DAANIEELI 2:4 - Qullaawa Maxaafa

⁴ Insano, «Moote hegerera hee'ro! Hanni haaqeekki maatiro kulteennanke ninkeno tirose kulleemmohe» yite Sooriyu afiinni dawartusi.

DAANIEELI 2:4 ပူးပေါင်းရင်းမြစ်များ

KALAQAMA 31:47

Laaba kinnate duuno, «Yigarsahaduuta» yii. Yaiqoobi kayinni, «Galiidi» yii.

KALAQAMA 41:8

Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.

UMI MOOTOOLLA 1:25

Kune techo Adooniyaasi lowo woraamma, harditino wodhanna ge'reewo gorre kakkalino. Jilahono oosokki, olantokki roorrootanna qeesicha Abiyaataari woshshino. Xa kune ittanninna agganni, ‹Moote Adooniyaasi seeda diro hee'ro!› yite weeddissanni no.

UMI MOOTOOLLA 1:31

Bersaabehino guluphite umo heeshshi yite albisenni baatto kisse, «Ati moote mootichi'ya Daawiti hegerera hee'ri!» yitu.

LAYINKI MOOTOOLLA 18:26

Hakkunni gedensaanni, Eeliyaaqeemi, Shebinanna Yoaahi Asoori gaadaannira, «Ninke qaale egenninoommo daafira, Sooriyu qaalinni kulinke. Huxxu aana noo manni macciishshannona Ibiraawootu qaalinni kultootinke» yitusi.

IZIRA 4:7

Bishilaami, Mitiredaati, Xaabieelinna miillasi, Faarisi gashshe noohuwa Arxekisiisiwa borreessidhinota borrote sokka iillishidhu. Sokkano, Sooriyu afiinni borreessinoonnite.

NEHIMIYA 2:3

«Moote, ati hegerera hee'ri! Akaakka'ya madaarantino katami diigameenna huxxu cufannano giirante gooffeenna hiitto dadilla hoogeemmo?» yee dawaroommo.

ISAYAASI 36:11

Hakkunni gedensaanni, Eeliyaaqeemi, Shebinanna Yoaahi Asoori gaadaannira, «Ninke qaale egenninoommo daafira Sooriyu qaalinni kulinke. Huxxu aana noo manni macciishshannona Ibiraawootu qaalinni kultootinke» yitusi.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

DAANIEELI 1:4

Doorantanno wedellino mootete gashshooti mine soqqamate guuta manna ikkitanno gede dana xumuulle, egenno baala wodanchanna wo'manka coye rakke buuxa dandiitannore, uurrinsha subbinore ikka hasiissannonsata qaagiissino. Qoleno Baabiloonootu afoonna borreessate gara rosiisannonsa gede hajajisi.

DAANIEELI 2:7

Insano qolte, «Mootenke! Ninke tiro kulleemmohena, haaqeekki maatiro kulinke» yitusi.

DAANIEELI 3:9

Moote Nabukadanatsoorira, «Moote, hegerera hee'ri!

DAANIEELI 4:19

Hatte yannara Bilxaasoori yinannihu Daanieeli lowo geeshsha masino daafira shiima yanna sammi yee keeshshi. Anino, «Bilxaasoori! Haaqeeno tirono yaachishshoonkehe» yuummo. Bilxaasoorino daware, «Moote'ya! Haaqeeno haaqeete tirono atera ikkikkinni diinikkira ikkitara halcheemmo.

DAANIEELI 4:7

Kiilaano, qaalloole, masaalaanonna ayyaanto baala woshshe haaqee'ya kuloommonsa. Insa kayinni haaqee'ya tiro kultaera didandiitino.

DAANIEELI 4:9

‹Egennaammu sooreessa ikkoottohu Bilxaasoori! Qullaawa maganna ayyaani noohetanna go'lino coyi baalu maaxamannohekkita afoommo; kune haaqii'roommo haaqee kuleemmohena tirie› yee kuloommosi.

DAANIEELI 5:10

Mootitte amasi isihanna ayirraddisi canco macciishshite jilu minira e'e, «Moote! Hegerera hee'ri! Kunni coyira kageeshshi geeshsha yaadanna albikkino kolossi yaa dihasiissanno.

DAANIEELI 5:8

Amaalaasinesi isiwa daggu; ikkollana insa giddonni borro nabbawanna tirose kula dandiinohu mittuno dino.

DAANIEELI 6:21

Daanieelino daware, «Moote! Hegerera hee'ri!

DAANIEELI 6:6

Hakkunni gedensaanni mootenniwa marte, «Moote Daariyoosi! Ati hegerera hee'ri!

DAANIEELI 6:7

Gashshootikki looso loosate doorammoommo towataasine, amaalaasinenna gobba gashshitannori baalu sumuu yinoommohu mittu coyi no. Hakkuno xaanni kayise 30 barri geeshsha ate agurranna wole magano woy wole mancho huucci'nannikki gede lallawisiisattora hasi'neemmo. Konne lallawa diigannohu hee'riro doobbiyu balera tunganni gede hajaji.

MAATEWOOSI 21:9

Albasiinninna badhesiinni ha'ranni noo manni, «Hosaina! Daawiti Beettira galata ikko; Mootichu su'minni daannohu maassaminoho! Hosaina! Galatu Gordoho hee'rannohura Maganoho ikko!» yaanni qeexaa'li.

UMI SAAMUEELI 10:24

Saamueelino manna wo'manka, «Kaaliiqi doorino manchi konneeti. Ninke giddo isi geeshshihu dino» yii. Hatte yannara mannu, «Moote hegerera moohi» yii.