DAANIEELI 2:30 - Qullaawa Maxaafa

³⁰ Kuni go'lino coyi anera leellinoehu ani wolu manninni roore egennaamo ikkoommohura di"ikkino. Ikkollana ati haaqeete tiro afatto gedenna wodanikki giddo kawanna ka'a higganni noo hedo wodancha dandaatto gedeeti.

DAANIEELI 2:30 ပူးပေါင်းရင်းမြစ်များ

KALAQAMA 41:16

Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.

FAARSO 139:2

Ati asseemmore baala egennootto; hedo'ya baala xeertote heedhe afatto.

ISAYAASI 45:4

Doodhoommore manna'ya Israeele kaa'latto gede, ati ane egenna hoogittoro nafa su'mikkinni woshsheemmohe; ayirrado su'mano eemmohe.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 2:49

Daanieeli kuleenna Sidiraaqi, Misaaqinna Abidinaago Baabilooni awuraajjira gashshaano asse shoominsa. Daanieeli kayinni mootete mininni fafikkinni hee'ri.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

MAATEWOOSI 24:22

Hatte barruwa hara'ma hooggeemmero, mittu manchino gata didandaanno. Dooramino manni daafira yineenna hatte barruwa hara'mitanno.

MAARQOOSI 13:20

Mootichu hakko barra haransa hoogoommero, ayino digatanno. Maganu doodhino manni daafira yee hakkonne barra haransanno.

SOQQAMAASINETE LOOSO 3:12

Pheexiroosi hakkonne manna lae, «Israeelete manna, konne coye mayira maala'litinanni? Mayirano buuxxine la'inanninke? Ninke uminke wolqanni woy danchu loosinkenni konne mancho qaafe ha'ranno gede assinoommoha lawanno'ne?

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

LAYINKI QORONTOOSI 4:15

Tini ki'nera qiniite ikkitu elto lowo mannira baqaqqu bikkinni, Maganu ayirrinyira galatu lexxanno.