DAANIEELI 2:28 - Qullaawa Maxaafa

²⁸ Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

DAANIEELI 2:28 ပူးပေါင်းရင်းမြစ်များ

KALAQAMA 40:8

Insano, «Haaqee haaqii'ne tirannonkeha hoongeeti» yitusi. Yooseefino, «Haaqee tirate egenno aannohu Maganohona hanni haaqee'ne kulle"e» yiinsa.

KALAQAMA 41:16

Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.

KALAQAMA 41:25

Yooseefino Ferioonira, «Lamente haaqee tiro mittete; Maganu assara hedinore kulinohe.

KALAQAMA 49:1

Yaiqoobi oososi woshshe, «Albillittete iillanno'ne coye kuleemmo'nena gamba yiiyye.

FAARSO 115:3

Maganinke gordoho no; isi hasi'rinore assanno.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ERMIYAASI 10:7

Gobba baalate moote ikkoottoha, ate waajjannokkihu ayeti? Uullate egennaamminna, gashshaano baalate giddo ate gedeehu dinona, ayirrinyu hasiisannohe.

ERMIYAASI 30:24

Kaaliiqihu kaajjadu hanqi, wodanisi hedo wonshikkinni dihiganno; ki'neno dagganno yannara, konne coye buuxxinanni.

ERMIYAASI 48:47

Ikkollana Moaabira adhinoonnisire baala qoleemmo yanna dagganno. Moaabi daafira kuloommo himani konneeti. Konne coye coyi'roommohuno ani Kaaliiqaati» yii.

HIZIQEELI 28:3

Ati Daanieelinni roore hayyichaatini? Xa ati afoottokkiri dinoni?

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

DAANIEELI 1:20

Egennotenna wodanchate daafira moote shiqishino xa'moranna haaqee baalate rahe dawaro qolate, gashshooti baalu giddo noo kiilaanonna bitaamma insa tonne anga roortino.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 2:18

Insano wolootu Baabilooni hayyoole ledo shinanninsakki gede, gordu Magani marare maaxamino coye xawisansara huuccidhanno gede qaagiissinsa.

DAANIEELI 2:22

Isi murgo ikke maaxaminohanna, go'lino coye leellishanno. Isiwa wo'manka woyite xawaabbu noo daafira, tunsichoho maaxaminore afanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 2:45

Mannu anga kissukkinni ilaalu aaninni gongo'me dirre siwiilunni, camotenni, dorunni, birrunninna culkunni seekkinoonni misile cancani kinchi hakko gashshooteeti. Kunni garinni jawu Magani albillittete ikkara noore baala leellishinohe. Kune haaqeekki halaaleho; tiroseno garaho» yee dawari.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 4:5

Mitto barra ma'na goxe hee're lowo geeshsha waajjishshanno haaqee haaqii'roommo; ajuujatennino masisanno coye afoommo.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

KIIRO 24:14

Xaate ani gobba'ya higeemmo. Hara'yara albaanni kayinni, kuni manni kunni ka'a mannakki assannota kuleemmohe» yiisi.

MAATEWOOSI 6:9

Kunnira ki'ne, ‹Annanke Gordoho hee'rattohu, su'mikki qullaawa ikko.

MARRO 31:19

«Kunnira tenne faarso umi'nera borreessidhe; Israeelete mannirano rosiisse. Tini faarsono ani assate hasi'roommore qaagiissitanni wodaninsara naqaashshe ikkitanno.

MARRO 4:30

Qarrantinanni woyitenna kuni baalunku coyi iillanno'ne yannara, Magani'ne Kaaliiqiwa higgine hajajantinannisi.

LAYINKI XIMOOTEWOOSI 3:1

Goofimarchu barra qarrissanno yanna daggannota afi.

IBIRAAWOOTA 1:1

Maganu bi're alba addi addi doogonni himanaanote widoonni qole annuwankera batinye hige coyi'rino.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.

YOHAANNIS AJUUJA 1:1

Tini Yesuusi Kiristoosi ajuujaati. Muli yanna giddo ikkanno coye soqqamaanosira leellishanno gede Maganu uyinosite. Kiristoosino sokkaasincho soye soqqamaanchisi Yohaannisira kulino.