DAANIEELI 2:25 - Qullaawa Maxaafa

²⁵ Ariyooki hakkawoyintenni Daanieeli haa're moote Nabukadanatsoori albira masse, «Moote'ya! Haaqeekki tiro kulannoheha qafadamino manni Yihudunnihu giddonni mitto mancho afoommo» yii.

DAANIEELI 2:25 ပူးပေါင်းရင်းမြစ်များ

KALAQAMA 41:14

Feriooni Yooseefi soye woshshiisheenna, hakkawoyintenni usuru mininni fushshine abbini; isino umonna ereeda meexxe imaanasino soorri're Feriooniwa ei.

NEHIMIYA 7:6

Qafadotenni higginori giddonni haammatu Baabilooni awuraajjinni ka'e Yerusaalamenna Yihuda daggeenna mittu mittunku umi umisi katama eino. Nabukadanatsoori haa're ha'rinsa yannanni kayisse, maatensa Baabilooni gobbara qafadante heedhino.

LAWISHSHA 24:11

Reyote widira bobbahanno manna gatisi; gorramate hadhanni noore gargari.

ROSIISAANCHO 9:10

Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

DAANIEELI 1:6

Doorantinori giddonni Yihudu ga're ikkitinori Daanieeli, Hanaaniya, Mishaeelinna Azaariyaati.

DAANIEELI 5:13

Hatte yannara Daanieeli mootete albira shiqi. Mooteno, «Ati Daanieeli anni'ya moote Yihudunni qafade abbinori ledohoni?

DAANIEELI 6:13

Insano, «Hatto ikkiro moote, Yihudunni qafadante dagginori giddonni Daanieeli ate ayirrisa giwino; malaatisse fushshootto lallawano diige barrunni 3 hige maganosi huucci'ranni no» yitu.