DAANIEELI 2:22 - Qullaawa Maxaafa

²² Isi murgo ikke maaxaminohanna, go'lino coye leellishanno. Isiwa wo'manka woyite xawaabbu noo daafira, tunsichoho maaxaminore afanno.

DAANIEELI 2:22 ပူးပေါင်းရင်းမြစ်များ

KALAQAMA 41:16

Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.

IYYOOBI 12:22

Maaxamino coye tunsichunni haa're xawo fushshanno; beebba tunsicho xawaabba assanno.

IYYOOBI 26:6

Jeennaatu Maganu albaanni reqecci yee no; albisinni gole maaxannori mitturino dino.

FAARSO 104:2

Xawaabba imaanimma tuulatootto; gordo dukkanu gede diriirsootto.

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

FAARSO 36:9

Ati heeshshote buichootina, xawaabbikkinni xawaabba la'neemmo.

ROSIISAANCHO 8:1

Coye tira dandaannohu hayyichu gedeehu ayi no? Hayyo mannaho alba xawissanno; albu aaninni xirchono hooltanno.

ISAYAASI 41:22

Hanni daggine albillittete ikkannorenna, ikkannohu mamooteetiro kullenke; kunni albaanni ikkinorino maatiro, hattino mayaatero buuxissenke.

ISAYAASI 41:26

Coye'ne garaho yineemmo gede, balaxe kullonkehu nooni? Ki'ne giddonni mittuno coyi'rinohu dino; coyidhinanna macciishshinohuno dino.

ISAYAASI 42:9

Kune ani balaxe coyi'roommo coyi wo'mino; xa qole albillittete ikkara noore balaxe kuleemmo'ne» yii.

ISAYAASI 45:7

Tunsichonna xawaabba kalaqeemmo; gadadonna qawaaxxo abbeemmo. Konne baala asseemmohu ani Kaaliiqaati.

ERMIYAASI 23:24

Mannu maaxe assinore ani diafeemmo? Gordonna baatto wo'moommohu, ani Kaaliiqa di"ikkoommo?

ERMIYAASI 33:3

woshshi'rie; anino yee yeemmohena; affe egennoottokkiha jawanna maala'linanni coye leellisheemmohe.

DAANIEELI 2:11

Mootenke! Tenne xa'moottonketera kaajjado xa'mora dawaro maganna qolturo ikkinnina wolu qola didandaanno. Maganna qolte kawiicho mannu mereero heedhannota di"ikkitino» yitusi.

DAANIEELI 2:19

Hakko hashsha maaxamino coyi Daanieelira ajuujatenni leellisi. Kunnira Daanieeli gordu Magano galaxxanni:

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 5:11

Qullaawa maganna ayyaana afi'rinohu mittu manchi gashshootikki giddo no. Kuni manchi annikki gashshooti yannara magannannite gedee egenno, hayyonna wodancha wo'mitinoha ikkinota anfoonni. Kunnira annikki moote Nabukadanatsoori kiilaano, qaalloole masaalaanonna ayyaanto baalate sooreessa asse shoominosi.

DAANIEELI 5:14

Magannate ayyaani noohetanna egenno, hayyonna wodancha afi'roottoha ikkoottota macciishshoommo.

MAATEWOOSI 13:13

Ani masalsanni kuleemmonsahu, la'anni heedhe buuxxannokkire, macciishshitanni heedhe affannokkire, woy wodana assitannokkire ikkitinohuraati.

YOHAANNISI 1:9

Manna baalaho xawannohu halaalaanchu xawaabbi tenne alame daanni hee'rino.

YOHAANNISI 21:17

Sayikkimeeshshono, «Yoona beetto Simiooni, baxattoeni?» yii. Sayikkimeeshsho, «Baxattoeni?» yiino daafira Pheexiroosi dadille, «Mooticha'ya, ati wo'manka coye egennootto; ani baxeemmohetano afootto» yii. Yesuusino, «Ge'reewo'ya allaali!

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

EFESOONI SOKKA 3:5

Konne go'le noo coye Maganu Qullaawu Ayyaani widoonni qole qullaawa soqqamaasinesiranna himanaanosira xa xawise kulino garinni, sa'u yannara noo mannira hatto asse dikulino.

MARRO 29:28

Kaaliiqi lowo geeshsha hanqe baattonsa aaninni buqqise wole baattora masse tuginonsa. Kuneeti xa techo geeshsha hakkiicho no› yitanno.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI YOHAANNISI 1:5

Isiwiinni macciishshinoommotinna ki'nera kulleemmo sokka, «Maganu xawaabbaho; tunsichu isiwa horonta dino» yitannote.