DAANIEELI 2:21 - Qullaawa Maxaafa

²¹ Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 2:21 ပူးပေါင်းရင်းမြစ်များ

UMI MOOTOOLLA 10:24

Gobba baalate hee'ranno manni Maganu uyinosiha hayyote hasaawa macciishshate isiwa daa halchanno.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

UMI MOOTOOLLA 4:29

Kaaliiqi Selemoonira lowo hayyonna wodancha, hattonni gawalo nookki egenno uyinosi.

UMI DUDUWO 22:12

Israeelete aana roorre aannohe yannara, seerisi garinni gashshatto gede Maganikki Kaaliiqi egennonna hayyo oohe.

UMI DUDUWO 29:30

Daawiti gashshino gara, mageeshshi wolqa noosiro, isi, Israeeletenna qooxeessinsara noo mootoolla baalate aana ikkino coye tenne maxaaffa giddo borreessinoonni.

ASTEERI 1:13

Seerunna budu hajara, hayyoole mala xa'ma mootete roso ikkitinohura, hatte yannara ma"assa hasiisannoro mala uyitannosi gede amaalaasinesi woshshiishi.

IYYOOBI 12:18

Mootennita mootimmate uddano mulqe, borojju uddano uddisiisanno.

FULO 31:3

Looso baalanka buuxatenninna xiinxallatenni, hayyotenninna ogimmatenni loosa dandaanno gede Ayyaana'ya wonshoommosi.

FULO 31:6

Isi ledo loosanno gede, Daani ga'renni Ahisamaaki beetto Oholiaabi dooroommo; hajajoommore baala assitanno gede ogeeyye baalate ogimma oommonsa.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 10:1

Faarisi moote Qiroosi moohihunni sayikki diro, Bilxaasoori yinannihu Daanieeli wole ajuuja afi. Kulloonnisi coyi halaalehona, kayinnilla giddo olu duduwo amadino; tirono ajuujatenni afino.

DAANIEELI 11:6

Shiimu diri gedensaanni, Gibitsete moote Sooriyu moote ledo elle amadanno. Beettosino Sooriyu mootera aanno. Ikkollana ise wolqase jawaachishi'ra hoogasenni kainohunni isi wolqano jawaattannokkihura jaaloominsa dikeeshshanno. Kunnira ise ayiddaannise, beettisenna soqqamaanose ledo shinanni.

DAANIEELI 2:20

«Maganu egennaamohonna wolqaataamoho! Kunnira, hegere hegerera galattesi.

DAANIEELI 2:23

Akaakka'ya Magano ikkoottoha, ate galaxxeemmohe; ayirrisi'reemmohe. Ati egennonna wolqa oottoe; huuccatto'ya macciishshite, mootete haaqeete tiro kuloottoe» yii.

DAANIEELI 2:9

Haaqee'ya tiro kula hoogginiero kayinni baalunkura mittu gari qorichi iillanno'ne. Ane coyi'rinore soorranno yitine kapho coyi'ratenni yanna seedisi'rate heddinoonni. Kunnira haaqee kultiniero ise tiro qarrissanno'nekkita kunninni anfanni» yiinsa.

DAANIEELI 4:14

Isino qoonqosi naggi asse, ‹Hattenne haqqicho karre; sinnaseno murmurre; daroseno xuruurre; laaloseno gantine giggishshe. Moyicho hundisenni, ceano sinnase aaninni shorre.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:22

«Moote'ya! Hatti seedanna jawaata haqqicho ateeti; jawimmakki gordu geeshsha iillitino; roorrekkino kalqe baala tuqqino.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

LUQAASI 21:15

Ani, baarigaarra'ne garta'nera dandiitannokki hayyonna egenno eemmo'nena.

ROOMU SOKKA 13:1

Maganiweello gashshootu nookkihuranna gashshootu aana nooreno isi worino daafira, mannu baalu aleenni noo gashshaanora hajajama hasiissanno.

UMI QORONTOOSI 1:30

Maganu kayinni ki'nera Yesuusi Kiristoosi ledo mittimma heedhanno'ne gede assino. Kunnira, Maganu Yesuusi Kiristoosi ninkera egennonke, keeraanchimmanke, qullaambenkenna wodonke ikkanno gede assino.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.