DAANIEELI 2:2 - Qullaawa Maxaafa

² Kunni daafira haaqeesi tirate kiilaano, bitaamma, gojaammanna masaalaano isiwa dagganno gede hajaji. Insano dagge albasiinni uurrituta,

DAANIEELI 2:2 ပူးပေါင်းရင်းမြစ်များ

KALAQAMA 41:8

Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.

ASTEERI 1:13

Seerunna budu hajara, hayyoole mala xa'ma mootete roso ikkitinohura, hatte yannara ma"assa hasiisannoro mala uyitannosi gede amaalaasinesi woshshiishi.

FULO 7:11

Hakkunni gedensaanni, Feriooni hayyoolenna bittannore woshshi; insano bitansanni Aarooni assi gede assitu.

ISAYAASI 19:3

Gibitsootu hexxo mudhitanno; hedonsano mullare asse agureemmo. Hatte yannara, kaa'litannonsa gede magannansa xa'midhanno. Kiiloho hadhanno; ekerrate ledo ma'litanno.

ISAYAASI 8:19

Mannu, «Lollobbitanno kiilaano, masaalaanonna ekera hasaawissannore mala xa'midhe» yaanno'ne. Mannu Kaaliiqa agure reyitinorinni mayira ma'lanno?

DAANIEELI 1:20

Egennotenna wodanchate daafira moote shiqishino xa'moranna haaqee baalate rahe dawaro qolate, gashshooti baalu giddo noo kiilaanonna bitaamma insa tonne anga roortino.

DAANIEELI 1:4

Doorantanno wedellino mootete gashshooti mine soqqamate guuta manna ikkitanno gede dana xumuulle, egenno baala wodanchanna wo'manka coye rakke buuxa dandiitannore, uurrinsha subbinore ikka hasiissannonsata qaagiissino. Qoleno Baabiloonootu afoonna borreessate gara rosiisannonsa gede hajajisi.

DAANIEELI 2:10

Masaalaanono, «Mootenke! Ati afattora hasi'ratto coye kulahera dandaanno mancho tenne gobba aana dianfanni. Mitte moote aye geeshshano jawanna wolqaataamo ikkiro nafa togoo xa'mo kiilaanote, bitaammahonna masaalaanote shiqishe diegennino.

DAANIEELI 2:27

Daanieelino, «Moote'ya! Xa'moottoha go'lino coye hayyoole, bitaammu, kiilaanonna masaalaano kultahera didandiitanno.

DAANIEELI 3:8

Hatte yannara mitu mitu Baabilooni amaalaasine konne coye irkidhe Yihudoota su'ma huntunsa.

DAANIEELI 4:3

Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

DAANIEELI 4:6

Kunnira haaqeete tiro kultannoe gede Baabilooni noore egennaamma baala anewa dagganno gede assoommo.

DAANIEELI 5:7

Qaalloole, masaalaanonna ayyaanto woshshinannisi gede hirrate coyi'ri. Insano daggeenna moote, «Tenne borro nabbawe tiro kulannoehu mootennita xiillitte uddano uddi'ranno; ayirrinyu malaate ikkitinota culku cagaage goowaho worrannisi; gashshooti'yarano sayikki darga amadanno» yii.

UMI SAAMUEELI 6:2

Filisxeemete manni qeesootansanna kiilaanonsa woshshe, «Kaaliiqi Taaboota hiissino? Dargasi hiitto assine qolleemmoro kullenke» yiinsa.