DAANIEELI 12:4 - Qullaawa Maxaafa

⁴ Qoleno, «Daanieeli, kalqete goofimarchi geeshsha maxaafa cuffe maatama aanaho gani. Hatte yannara lowo manni egenno hasi'ranni dargunni darga sa"anno» yii.

DAANIEELI 12:4 ပူးပေါင်းရင်းမြစ်များ

ISAYAASI 11:9

Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 29:11

Tini baalanti ajuuja ki'nera go'lite cunfe agurroonni maxaafi gede ikkitanno'ne. Egennino manchiwa massidhine, «Nabbawinke» yitineennano, «Cufame noo daafira didandeemmo» yee dawaranno'ne.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 32:3

Hatte yannara, la"anno manni ille fa'nantanno; macciishshanno manni macca macciishshitanno.

ISAYAASI 8:16

Isayaasino, «Ki'ne ane rosaano, Kaaliiqi uyinoe sokkanna seera seekkitine macciishshe.

ERMIYAASI 5:1

Kaaliiqi Yerusaalamete mannira, «Hanni Yerusaalamete doogga baala kawanna ka'a higgine la'e; taalo coyi'rannohanna, halaale hasannoha mitto mancho nafa anfannini? Taalo coyi'rannohanna halaalaancho, mitto mancho nafa affiniro, Yerusaalame maareemmo.

DAANIEELI 10:1

Faarisi moote Qiroosi moohihunni sayikki diro, Bilxaasoori yinannihu Daanieeli wole ajuuja afi. Kulloonnisi coyi halaalehona, kayinnilla giddo olu duduwo amadino; tirono ajuujatenni afino.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 11:33

Mannu mereero noo egennaammi manna rosiisatenni egenno afi'ranno gede assitanno; shiima yanna gedensaanni kayinni gamisu giiratenninna bagadunni reyitanno; jironsa saamanteenna insano usurantanno.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

DAANIEELI 12:13

«Ati Daanieeli, goofimarchu geeshsha ammanamatenni hee'ri. Hakkunni gedensaanni fooliishshi'ratto; goofimarchu barrano ka'e qeechakki adhatto» yiinoe.

DAANIEELI 12:5

Hakkunni gedensaanni xashshu gama 2 manchi ka'aanninna kawaanni uurrite noore afummo.

DAANIEELI 12:9

Isino qole, «Daanieeli, goofimarchu iilla geeshsha maxaafa cunfe maatama aanaho gannoonnina, ati keerunni ha'ri.

DAANIEELI 8:17

Gebirieeli daye mule'ya uurrita mase baattote aana uwoommo. Isino, «Koo mancho! Ajuuja kalqete goofimarchire kultannota ikkitinota huwati» yiie.

DAANIEELI 8:19

«Ajuuja kalqete goofimarchire kultanno daafira, Maganu hanqinni kainohunni ikkannore kuleemmohe.

DAANIEELI 8:26

Soodonna hawarro kakkalo daafira kulloonni ajuuja wo'mitannote. Ikkirono wo'mita geeshsha lowo yanna gattanno daafira maaxxe amadde agari» yii.

MAATEWOOSI 24:14

Gosa baalate naqaashshe ikkanno gede kuni Maganu Gashshootihu Danchu Duduwi gobba baalate kulamanno; hatte yannara goofimarchu daanno» yee qolinsa.

ROOMU SOKKA 10:18

Ani mitto coye xa'meemmona, insa dimacciishshitino? Macciishshitinowe! «Qoonqonsa gobba baalate leeltu; sokkansa gobbate qacce geeshsha iillitu» yinoonni.

YOHAANNIS AJUUJA 10:4

Lamalunku beleqi coyi'rita, ani borreessammora hedummo. Ikkollana, «Lamalunku beleqi coyi'rannoha cuffe maaxxe amadi ikkinnina borreessitooti!» yitanno huuro gordunni macciishshummo.

YOHAANNIS AJUUJA 22:10

Ledeno, «Yanna mule noo daafira, kunni maxaafi giddo nooha himanu qaale dibbe cuffooti.

YOHAANNIS AJUUJA 5:1

Ayirradu barcimira ofollinohu, qiniiticho anganni amadinoha giddoonninna gobbaanni borreessine lamala sumuda sumunde cunfoonniha xaanxoonniha borrote goga afummo.