DAANIEELI 12:13 - Qullaawa Maxaafa

¹³ «Ati Daanieeli, goofimarchu geeshsha ammanamatenni hee'ri. Hakkunni gedensaanni fooliishshi'ratto; goofimarchu barrano ka'e qeechakki adhatto» yiinoe.

DAANIEELI 12:13 ပူးပေါင်းရင်းမြစ်များ

FAARSO 1:5

Kunnira, bushuullu Maganu yoo barra, albasiinni uurrite diaffanno; cubbaataammuno keeraanote songo giddo diheedhanno.

FAARSO 16:5

Kaaliiqa, ati iqqa'yaatinna kaayyo'yaati; geedo'ya seekkattohuno ateeti.

FAARSO 16:9

Lubbo'ya jeennaateho diagurattose; qullaawakki hoqara worte diagurattosi;

FULO 33:14

Kaaliiqino, «Ani ledokki ha'reemmo; qeelleno eemmohe» yiisi.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

DAANIEELI 12:4

Qoleno, «Daanieeli, kalqete goofimarchi geeshsha maxaafa cuffe maatama aanaho gani. Hatte yannara lowo manni egenno hasi'ranni dargunni darga sa"anno» yii.

ZAKKAARIYAASI 3:7

«Olantote Mootichi Kaaliiqi, ‹Doogo'ya aana ha'rittoronna looso'ya baala guutittoro, qullaawa mine'yanna gudumaali'yara mookke hee'ratto; alba'yaanni uurrite noo sokkaasine huuccatto macciishsheemmonte gede, ate huuccattono macciishsheemmo.

MAATEWOOSI 19:28

Yesuusi, «Halaale kuleemmo'nena, Manchi Beetti ayirrinyu barcimira ofollannowa haaro gobbara ane hoode hadhinanniri, ki'neno tonaa lamu ayirrinyu barcimira ofoltinanni; tonaa lamente Israeelete ga'rera yoo yitinanni.

LUQAASI 21:36

Kunnira, daannohu bushu coyi baaluwiinni gatate wolqa afidhinanni gedenna Manchi Beetti albaanni uurra dandiitinanni gede wo'manka woyite jaattine huuccidhe» yii.

LAYINKI QORONTOOSI 5:1

Hee'neemmohu baattote aani dukkani diigamiro, gordoho mannu mininoha ikkikkinni Maganu mininonkehu hegere mini noonketa egenninoommo.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

YOHAANNIS AJUUJA 14:13

Gordunni, «Kune borreessi: Kunni ka'a Mootichunnire ikkite heedhe reyitannori baraadhinoreeti» yitanno huuro macciishshummo. Ayyaanu qole, «Ee! Daafuro fooliishshidhanno gede loosinsa hoode ha'rannonsa» yii.