DAANIEELI 12:10 - Qullaawa Maxaafa

¹⁰ Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

DAANIEELI 12:10 ပူးပေါင်းရင်းမြစ်များ

FAARSO 107:43

Egennaammu baalu konne coye huwatto; bagamannokkiha Kaaliiqi baxille wodanchito.

FAARSO 51:7

Keeraa'meemmona, garambichunni wixie; kaadetenni roore waajji'reemmo gede hayishshie.

LAWISHSHA 1:5

Tini lawishshuwa egennaamu egenno lexxanno gede, busuluno lede huwanyoote afi'ranno gede assitanno.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

HIZIQEELI 47:11

Baaru qaccera noohu leephonnihunna kofote wayi mannu hakkiinni maxine adhanno gede soorramikkinni noowa hee'ranno.

DAANIEELI 11:33

Mannu mereero noo egennaammi manna rosiisatenni egenno afi'ranno gede assitanno; shiima yanna gedensaanni kayinni gamisu giiratenninna bagadunni reyitanno; jironsa saamanteenna insano usurantanno.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

MILKIYAASI 3:3

Isi birra daashshe ximbiiwanno manchi gede ikke yoote ofollanno. Birranna culka daashshe ximbiiwannohu gede sokkaanchu Leewi sircho keereensanno. Hakkunni gedensaanni Kaaliiqi halaalaancho kakkalo shiqishanno manna afi'ranno.

MAARQOOSI 4:11

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni masalsatenni kullanninsa.

LUQAASI 24:25

Yesuusino, «Ki'ne wodanchitinannikkirinna himanaano coyidhinore baala ammanate wodanu dunkino'neri!

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

YOHAANNISI 8:47

Maganunnihu Maganu yaannore macciishshanno. Ki'ne Maganu qaale macciishshitinannikkihu Maganunnire ikka hoogginoonnihuraati» yiinsa.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

LAYINKI QORONTOOSI 7:1

Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 12:10

Iltinonke annuwa shiimalla qorichishinonke. Maganu kayinni qullaambesi gutammeemmo gedenna ninkera seyara yee qorichishannonke.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 16:11

Shettonna mada qarrisseenna gordu Magano xontu. Bunshensawiinnino aagintaabbe dihiggino.

YOHAANNIS AJUUJA 19:14

Waajjuulle farado guluffinori, waajjonna xuru nookkita shaalado uddanna uddidhinori, gordu olanto hoodesi hadhanni no.

YOHAANNIS AJUUJA 19:8

Iserano bilicci yitannotanna xurtinokkita shaalado uddano, uddidhanno gede uyinise» yitanna macciishshummo. (Shaalado uddano, qullaawu manniha keeraanchimmate looso leellishshanno.)

YOHAANNIS AJUUJA 22:11

Bunshe assannohu bunshesi assolla; batte loosannohuno battaawolla; dancha loosannohuno loosolla; qullaawuno qullaawa ikke hee'rolla» yii.

YOHAANNIS AJUUJA 3:18

Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.

UMI SAAMUEELI 24:13

Albi yannara, ‹Bunshe bushu mannilla loosanno› yinanni daafira, xaano anga'yanni ate dikiseemmohe.