DAANIEELI 12:1 - Qullaawa Maxaafa

¹ Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

DAANIEELI 12:1 ပူးပေါင်းရင်းမြစ်များ

FAARSO 56:8

Mageeshsha qarramoommoro ati afootto; mageeshshi hindiiddo du'noommoro egennootto. Baalunku coyi maxaafikkirawe borreessame no!

FAARSO 69:28

Heeshshote maxaafi giddonni huninsa; keeraanote ledo su'minsa borreessamoonke.

ISAYAASI 4:3

Kaaliiqi dooreenna Yerusaalamete gattannore baala, qullaawa mannaati yinanninsa.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 34:24

Ani Kaaliiqi Maganonsa ikkeemmo; soqqamaancho Daawiti lawanno moote gashshaanchonsa asseemmo. Ani Kaaliiqi togo yoommo.

HIZIQEELI 5:9

Giweemmo coye baala assitinoonni daafira, kunni albaanni asse egennoommokkinna, kunni ka'ano asseemmokki garinni qorichisheemmo'ne.

DAANIEELI 10:13

Faarisi gashshoote agaranno sokkaasinchi 21 barra wo'ma ittisinoe. Ani Faarisi callate noommota afe, sokkaasinete albisi Mikaaeeli kaa'laera dayino.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 7:10

Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

DAANIEELI 9:12

Ninkenna albisootinke aana jawa qoomama abbattora coyi'rootto coye wonshootto. Kunnira Yerusaalamete iillino geeshshi qorichi wole mitte gobbarano di"iillino.

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MAATEWOOSI 24:21

Hatte yannara kalaqamunni kayise xaa geeshsha ikke egenninokkihu gedensaannino ikkannokkihu lowo qarri daanno.

MAARQOOSI 13:19

Hatte yannara kalaqamunni kayise, xaa geeshsha ikke egenninokki qarri daanno. Hakkunni gedensaannino hattoo qarri di"iillanno.

LUQAASI 10:20

Su'mi'ne gordu taje giddo borreessamino daafira ikkinnina, durriisu hajajamino'nehura hagiidhitinoonte!» yiinsa.

ROOMU SOKKA 11:15

Maganu insa tugi yannara, alame Maganu ledo araarantino. Maganu insa adhanno woyite mayi kalaqamannoha lawanno'ne? Hatti, reyotenni ka"ate gedeeti yaate!

ROOMU SOKKA 11:26

Israeele baala gattannohu kunni garinniiti. Kunnira, «Gatisaanchu Tsiyooninni daanno; Yaiqoobi sirchiwiinni cubbo hunanno.

EFESOONI SOKKA 1:21

Kiristoosi gordoho qiniitesiinni ofollinohu, iimi gashshaano, roorrootu, wolqaataammunna mootoolla baalate aleenni gashshateeti. Isi tenne xa nooterano daggara noo alamera aliidiha ikkinoha ayirrado su'ma afi'rino.

FILIPHISIYUSI SOKKA 4:3

Hakkiicho noottohu ati ammanamoottohu soqqanshote miila'ya: Anenna Qelentoosi, qoleno su'mansa heeshshote taje giddo borreessinoonniri wolootu soqqanshote miilla'ya ledo mitteenni Dancha Duduwo iillishate lowo geeshsha sharramino daafira, hakkore lamenka meento kaa'linsa.

YIHUDA 1:9

Sokkaasinete roorrichi Mikaaeeli nafa Muse reeshshi daafira Daawuloosi ledo coyi'rami yannara, «Maganu seejjohe» yiinota ikkinnina, xono afiisinni difultino.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 12:7

Hakkunni gedensaanni gordoho iima olu kai; Mikaaeelinna sokkaasinesi dhudhuufunna sokkaasinesi ledo olantu.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 20:12

Reyinohu shiimmaaddunna jajjabbu manni ayirradu barcimira albaanni uurre nooha afummo. Maxaaffano fa'nantu; heeshshonnihu wolu maxaafino fa'nami. Reyino mannirano maxaaffate giddo borreessinoonni garinni loosinsara yoo yini.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 3:5

Qeelinohu hattonni waajjo uddano tuulatanno; su'masino heeshshote maxaafi giddonni dihuneemmo. Anni'yanna sokkaasinesi albaanni farci'reemmosi.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.