DAANIEELI 11:40 - Qullaawa Maxaafa

⁴⁰ «Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

DAANIEELI 11:40 ပူးပေါင်းရင်းမြစ်များ

ISAYAASI 21:1

Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ISAYAASI 5:28

Maxxinsa qaraamoho; digaaninsa gonninoonniho; faradinsa kotte reeqqiichote gedeete. Faradi gaarensa lami-qale hombobottete gede diiddo ga'nitannote.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ERMIYAASI 4:13

«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

HIZIQEELI 38:4

Afiikkira bixaala wore olantokki baalate ledo, faradokkinna faradaasinekki wonqonna bagado amaxxitino gedeenni baalanka badhera qoleemmo'ne.

HIZIQEELI 38:9

Atinna olantokki hattenne gosara dambalu bubbe gede ikkitine bala tugginanni. Gomichu gede ikkitine baatto beeshshitine amaddinanni› yite kulisi» yiie.

DAANIEELI 11:10

«Sooriyu moote ooso olaho qixxaabbanno. Oososi giddonni mittu lolahu gede jige mare Wodiidi gashshooti qiisho gawajjanno.

DAANIEELI 11:11

Hatte yannara Wodiidi moote lowo geeshsha hanqe Aliyye moote qasara ka"anno. Sooriyu moote qixxeessinota jawa olanto qeelanno.

DAANIEELI 11:13

«Aliyye mooteno galagale gobbasi hige albita roortino olanto qixxeessi'ranno. Shiimu diri gedensaanni, seekke qodhisiisi'rinota lowo olanto adhe daanno.

DAANIEELI 11:22

Maganunnihu qeesootu albisi nafa gatikkinni iso gibbanno olanto baala albisinni co'o asse hunanno.

DAANIEELI 11:25

«Lowo olanto qixxeesse waajjikkinni Wodiidi mootera gaadanno; wodiidi mooteno jawa olanto qixxeessi're dagginosi olanto hoo'lanno; ikkeennano gannoonnisi ganonni kainohunni hedinori diqinaannosi.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

DAANIEELI 11:39

Qiishshasi agartanno gede wole gobba maganna magansi'ranno manna woranno; albisaanchimmasi egentinore baala lowo ayirrinye ee mannu aana moohisanno; assitinosi galatirano baatto beehannonsa.

DAANIEELI 11:7

Hakkawoyintenni ise fiixa ikkinohu mittu manchi moohanno. Isi aliyye olanto Sooriyu mootete ledo olamanno. Qiishonsa dhoose e"e qeelannonsa.

DAANIEELI 12:4

Qoleno, «Daanieeli, kalqete goofimarchi geeshsha maxaafa cuffe maatama aanaho gani. Hatte yannara lowo manni egenno hasi'ranni dargunni darga sa"anno» yii.

DAANIEELI 12:9

Isino qole, «Daanieeli, goofimarchu iilla geeshsha maxaafa cunfe maatama aanaho gannoonnina, ati keerunni ha'ri.

DAANIEELI 8:17

Gebirieeli daye mule'ya uurrita mase baattote aana uwoommo. Isino, «Koo mancho! Ajuuja kalqete goofimarchire kultannota ikkitinota huwati» yiie.

IMBAAQOOMI 3:14

Olanto hombobalattete gede billaallissankera, wolqa hooginoha runkutte amadde hagiidhitara daggu yannara, olantote hajajaanchi umo urdesinni qasootto.

ZAKKAARIYAASI 9:14

Kaaliiqi mannaho aleenni hige leellanno; digaanu worbichono banqote gede asse olanno. Mootichu Kaaliiqi buudu xurumba ufuufanno; Wodiidi hombobolatte gede asse diina gawajjanno.

YOHAANNIS AJUUJA 16:12

Leelki sokkaasinchino angasi noo gabate giddo nooha Efiraaxisi Wayi giddo duni. Soojjaatinni dagganno mootoollara doogo qixxaabbannonsa gede wayi xoe bai.

YOHAANNIS AJUUJA 9:16

Faradunni olantanno olanto lame xibbe tunso ikkitinota macciishshummo.