DAANIEELI 11:36 - Qullaawa Maxaafa

³⁶ «Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 11:36 ပူးပေါင်းရင်းမြစ်များ

FAARSO 136:2

Maganna baalanta roorino Magano galattesi; bagamannokkihu baxillisino hegerehona.

FAARSO 33:10

Kaaliiqi dagate mala diiganno; hedonsano wo'mitannokki gede assanno.

LAWISHSHA 19:21

Mannu wodani giddo lowo hedo no; hendoonniri wo'mannohu kayinni Kaaliiqi yiino garinniiti.

ISAYAASI 10:23

Olantote Mootichi Kaaliiqi gobba baalate isi malino bao abbanno.

ISAYAASI 10:25

Shiima yanna gedensaanni ki'nera hanqoommohu hanqi'ya higanno; hakkunni gedensaanni insa gudeemmo.

ISAYAASI 10:5

Kaaliiqi, «Hanqi'ya siqqora, aari'ya damira Asoorira aanne'e!

ISAYAASI 14:13

Wodanikkinni, «Iimira gordo fule, ayirrinyunniha barcima'ya, Maganu beeddahera iimaanni wodheemmo; aliyyeenni maganna gamba yitanno ilaali aana mooheemmo.

ISAYAASI 14:14

Gomichoho aleenni sae, Wo'manka Dandaanno Magani gedeeha ikkeemmo» yite hedootto.

ISAYAASI 26:20

Manna'ya, mini'nera e'ine cufana cufidhe; hanqu sa"a geeshsha shiima yanna maaxamme.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ISAYAASI 46:10

Ikkanno coye baala balaxe kuloommo; ikkara nooreno alba asse coyi'roommo; ani ikkanno yoommori ikkanno; anino hedoommore asseemmo.

ISAYAASI 57:9

Shittonna buuro buudhitine Molooki magansidhinara hadhinanni; mala kultanno'ne gede ekerranniwa sokkaancho soqqitinanni.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 35:13

Ane seyatte, boo'natenni aana'ya coyi'roottore macciishshoommo› yiino yite kulisi» yii.

DAANIEELI 11:16

Aliyyenni daanno hoorraanchi ittisannohu nookkiha hasi'rinore baala assanno. Hexxonnitera biifado Israeelete gobba aana uurre ise hunate wolqano afi'ranno.

DAANIEELI 11:3

«Hakkunni gedensaanni mittu bareedu moote ka"anno; gashshootisino jawa ikkanno; isino hasi'rinore baala assanno.

DAANIEELI 11:37

Moote akaakkasi maganna shollishanno; meentu baxanno maganna mishanno; umosi baalunkura aliidiha asse kiiranno daafira, maganna baala mishanno.

DAANIEELI 12:7

Sokkaasinchuno lamenta angasi gordo qole gotti asse Hegerera Hee'ranno Magani su'minni xaaranni, «Sase dironna darate gudanno. Maganu manni aana daanno qarri uurra geeshsha kuni coyi baalu wo'manno» yii.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

DAANIEELI 5:19

Jawimmasinni kainohunni addi addi gobbara hee'rannohu addi addi afiinni coyi'ranno manni baalu iso waajje huxi'rino. Hasi'rinoha shaanna gatisa, moohisanna moofisa dandiino.

DAANIEELI 5:20

Ikkollana boonaleessa, hettisamaanchonna kakkacha ikkita, gaacheenisi mulqameenna ayirradu barcimisi aaninni dirrino.

DAANIEELI 7:8

Ani tenne buuddare hedanni hee'reenna mereerinsanni wolu mittu shiimu buudi fule hattenne buudda giddonni 3 buqqise hoolanna laoommo. Kuni shiimu buudi mannunnita labbanno illenna boo'natenni coyi'ranno arrawo afi'rinoho.

DAANIEELI 8:19

«Ajuuja kalqete goofimarchire kultanno daafira, Maganu hanqinni kainohunni ikkannore kuleemmohe.

DAANIEELI 8:4

Hakku goci alba galchimira, aliyyeranna wodiidira hige buuddasinni kibbara geegganna afummo. Albisira shiqe ittisasira woy isiwiinni xooqe fulara dandaanno moyichi dino; hasi'rinore baala assanni, albinni roore wolqa lexxi.

ZAKKAARIYAASI 11:16

kuneeti gobbate ge'reewo'ya agarannoha mitto allaalaancho kayiseemmo; ikkollana kayinni, isi gawajjantinore ditowatanno; ba'inore dihasanno; hiiqqantinore disissanno; keere noore ditowatanno; towata agure misinoha gorre itanno; culunqansano cancananno.

YOHAANNISI 5:30

Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

SOQQAMAASINETE LOOSO 4:28

Kuni ikkinohuno, ati balaxxe wolqakkinna hedoottori wo'manno gedeeti.

MARRO 10:17

Magani'ne Kaaliiqi magannate Maganooti; mootoollate Mootichaati. Jawa Maganooti; wolqaataamohonna waajjishannoho. Godowa dihosannoho; gubbono di"itannoho.

LAYINKI TESELONQE 2:3

Danni bunshe daggukkinninna baonnihu Bunshete Manchi leellikkinni hakku Barri didaannona, mayi doogonnino ikkeenna ayino dogoonke'ne.

LAYINKI TESELONQE 2:4

Kuni Bunshete Manchi maganoho yine magansi'nannihunni roore umosi gotti gotti asse, «Ani Maganoho» yaanni Qullaawa Mine ofollanno.

LAYINKI TESELONQE 2:8

Hakkunni gedensaanni Mootichu Yesuusi afiisi foolinni hunannohunna ayirrinyunni daanno woyite co'o yee ba"annohu Bunshete Manchi xawo fulanno.

IYYAASU 22:22

«Wo'manka roorannohu wolqaataamu Kaaliiqaati! Isi baalunku Mootichaati! Isi baalanka roore wolqaataamo Maganooti! Ninke konne mayira assinoommoro isi afino! Ki'neno mayira assinoommoro affinara hasi'neemmo; halaalinta bunshoommoronna Kaaliiqira noonke amma'na xeinsoommoro, marartinoontenke.

YOHAANNIS AJUUJA 10:7

ikkollana lamalki sokkaasinchi xurumba ufuufanno yannara, soqqamaanosira himanaanote kulinonsa garinni Maganunnihu go'le noo coyi xawo fulanno» yii.

YOHAANNIS AJUUJA 12:14

Mancho halalla qixxeessinoonnise dargira buubbe hadhanno gede lowo allamurchita lame qoolla uyinise. Hakkiicho hamashshuwiinni faffe sase dironna darate dancha gede towantannase heedhu.

YOHAANNIS AJUUJA 13:1

Hakkunni gedensaanni mittu moyichi baaru giddonni fulanna afummo. Isira tonnu buudinna lamalu umi noosi. Mittu mittunku buudi aana worraaqu no; mittu mittunku umi aana Magano xonate su'mi no.

YOHAANNIS AJUUJA 17:17

Maganu hedinori wo'ma geeshsha, mitteenni sumuu yite gashshootunnita wolqansa moyichoho uyitanno gede tenne hedo wodaninsa giddo worinohu Maganoho.

YOHAANNIS AJUUJA 17:3

Hakkunni gedensaanni Qullaawu Ayyaani aana'ya hee'reenna sokkaasinchu haa're halallira ha'rie. Hakkiicho mancho Magano xonate su'muwa aanasi borreessinoonnihu duumu moyichi aana ofolte noota afummo; kuni moyichi lamala umonna tonne buuda afi'rino.