DAANIEELI 11:2 - Qullaawa Maxaafa

² Sokkaasinchu lede coy'ranni, «Ani xa kuleemmohe coyino ikkannoho: Wolootu 3 mootoolla Faarisi gobbara mookkanno. Insanni aane daannohu shoolki moote ku'urinni roore dureessa ikkanno; durummatenni wolqa afi'ranno yannara, gano gane woloota Giriikete gashshooti aana kayisanno.

DAANIEELI 11:2 ပူးပေါင်းရင်းမြစ်များ

IZIRA 4:24

Kunnira, Yerusaalamete minnannihu Maganu Mini Faarisi moote Daariyoosi gashshihunni layinki diri geeshsha minama uurri.

IZIRA 4:7

Bishilaami, Mitiredaati, Xaabieelinna miillasi, Faarisi gashshe noohuwa Arxekisiisiwa borreessidhinota borrote sokka iillishidhu. Sokkano, Sooriyu afiinni borreessinoonnite.

ASTEERI 1:1

Faarisi moote Arxekisiisi dannawu katama Suusa teesso assi're Hindetenni kayise Itiyophiyu geeshsha 127 gobba gashshino.

LAWISHSHA 22:21

Halaalu maatiro rosiissannohe; soyinohehurano halaalaancho dawaro abba dandaatto.

DAANIEELI 10:1

Faarisi moote Qiroosi moohihunni sayikki diro, Bilxaasoori yinannihu Daanieeli wole ajuuja afi. Kulloonnisi coyi halaalehona, kayinnilla giddo olu duduwo amadino; tirono ajuujatenni afino.

DAANIEELI 11:25

«Lowo olanto qixxeesse waajjikkinni Wodiidi mootera gaadanno; wodiidi mooteno jawa olanto qixxeessi're dagginosi olanto hoo'lanno; ikkeennano gannoonnisi ganonni kainohunni hedinori diqinaannosi.

DAANIEELI 7:5

Layinki moyichi lowohonna waajjishannoho. Badhiidi lekkuwanni shankaffi yee uurrinoha Dibi yinanni moyicho lawanno. Hinkosinni 3 midashshu miqqa ga'me hee'reenna, «Hasi'ritto geeshshi maala iti!» yine kullisi.

DAANIEELI 8:21

Meichu goci Giriikete gashshoote leellishanno. Illuwasi qarrira noohu lowo buudi qole umiha Giriikete moote leellishanno.

DAANIEELI 8:26

Soodonna hawarro kakkalo daafira kulloonni ajuuja wo'mitannote. Ikkirono wo'mita geeshsha lowo yanna gattanno daafira maaxxe amadde agari» yii.

DAANIEELI 8:4

Hakku goci alba galchimira, aliyyeranna wodiidira hige buuddasinni kibbara geegganna afummo. Albisira shiqe ittisasira woy isiwiinni xooqe fulara dandaanno moyichi dino; hasi'rinore baala assanni, albinni roore wolqa lexxi.

AMOOTSI 3:7

Mootichu Kaaliiqi go'lino coye, soqqamaanosi himanaanote balaxe kulikkinni, mitto coyeno diassanno.

YOHAANNISI 10:35

Qullaawu qaali wo'manka woyite halaale ikkinota anfoonni. Maganu qaalisi dayinonsare magannate yiiro,

YOHAANNIS AJUUJA 21:5

Ayirradu barcimira ofollinohu, «Kune, ani baalanka coye haaro asseemmo» yii. Ledeno, «Kuni qaali hawaqi'nannihonna halaalehona borreessi!» yiie.