DAANIEELI 11:15 - Qullaawa Maxaafa

¹⁵ Kunnira, aliyye moote mitto qiisho afi'rino katama gaangeesse, bushshunni seekkinoonni dirimi aanaanni hige sae amadanno. Wodiidi gaaddo iso ittisa didandiitanno; insa giddonni filantinori nafa iso hoo'late wolqa diafidhanno.

DAANIEELI 11:15 ပူးပေါင်းရင်းမြစ်များ

ERMIYAASI 33:4

Doyisse amadatenninna olunni Yerusaalamete minnanna Yihudunnihu mootete mini diigamanno. Konne coye coyi'roommohu ani Israeelete Magani Kaaliiqaati.

ERMIYAASI 5:10

Kunnira ani diinnansara, ‹Martine manni'yata woyinete kaashshi damatte karre; gudissine kayinni huntinoonte; sinna aneta ikkitinokki daafira murmurtine hunne.

ERMIYAASI 52:4

Sedeqiyaasi moohihunni honsikki diro tonnikki aganira tonnikki barra, Nabukadanatsoori olantosi adhe daye Yerusaalame qasara doyisse amadi. Olantosino katama gaangeessite huxxu qooxeessira bushsha tuultu.

ERMIYAASI 6:6

Olantote Mootichi Kaaliiqi mootoollate, «Haqqe dolle; Yerusaalamete gaangaawira, bushsha duuntine qiisho seekke; giddosi bunshe wo'mitino daafira qoricha adha hasiissannosi.

HIZIQEELI 17:17

Baabiloonootu katama horrate manna shitanno woyitenna bushsha duuntanno yannara, Gibitsete mootenna jawaata olantosi nafa mittore assa didandiitanno.

HIZIQEELI 4:2

Katamu doyissama leellishanno gede qooxeessisira balla umi. Diinu kaxxe eanno gede huxxaho gamba assite bushsha duuni; urdete qiisho seekki. Huxxa dhoonsanni meenchono qixxeessi.

DAANIEELI 11:14

Hakkunni gedensaanni lowo manni Wodiidi mootera hajajama giwanno. Daanieeli, ajuuja wo'mitanno gede gosakki giddonni haxawarrootu gibbo kalaqqanno; ikkollana diqinaannonsa.

DAANIEELI 11:6

Shiimu diri gedensaanni, Gibitsete moote Sooriyu moote ledo elle amadanno. Beettosino Sooriyu mootera aanno. Ikkollana ise wolqase jawaachishi'ra hoogasenni kainohunni isi wolqano jawaattannokkihura jaaloominsa dikeeshshanno. Kunnira ise ayiddaannise, beettisenna soqqamaanose ledo shinanni.

DAANIEELI 8:7

Ani la"anni hee'reenna ge'rechu gocira lowo geeshsha hanqe kibbe lamenka buudasi hiiqqaqqi; ge'rechu gocino gargadha didandiino. Kunnira ge'rechu goco uulla kare kakkadi; isiwiinni gatisasira dandiinohu dino.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.