DAANIEELI 10:6 - Qullaawa Maxaafa

⁶ Kunni manchi bisi dilqu kinchi gede xawanno; albisino banqote gede bilicci yaanno; illuwasino giirate buwano labbanno; anguwasinna lekkuwasi fiinoonni camo gede xabbanno; qoonqosi lowo mannite gede shooshshitanno.

DAANIEELI 10:6 ပူးပေါင်းရင်းမြစ်များ

FULO 28:20

shoolki dirira bule dilqa, burcuqqaamonna haanja dilqa wori; baalunku gaangaawira culku xiyyo wori.

FAARSO ROORE FAARSO 5:14

Anguwasi dilqu migira afi'rinoha culku daabba labbanno; manninatisi bulu dilqinni seesiinsoonni ilki gedeeho.

HIZIQEELI 1:14

Kalaqamuno, giirate xoxini gede ka'anna kawa kukkubbi.

HIZIQEELI 1:16

Shoolente qale dani, ayirrado dilqa lawanno; shoolente dani mittoho; mitte mittenti lami-qale mimmitoho giddoonni qolle sayinse xaadinse seekkinoonnita labbanno.

HIZIQEELI 1:24

Buubbanno yannara, qoollansa luulo macciishshoommo. Luuluno baaru dambali, lowo olantonna Wo'manka Dandaanno Maganihu gedeeho. Buuwa agurtanno woyite qoollansa gamba assidhanno.

HIZIQEELI 1:7

Lekkuwansa suwaddate; lekkuwansa hoowi boottate culunqa lawanno; fiinoonni camo gede cala cala yaanno.

HIZIQEELI 10:9

Hattono mittu mittunku kirubeeli mule mimmito labbannota 4 lami-qale afummo. Hatti qallano dilqu kinchi gede xabbannote. Mitte mittenti qale, mimmitoho giddoonni qolle sayinse xaadinse seekkinoonnita labbanno.

HIZIQEELI 40:3

Mulira shiqqi assieta, camote gede xawanno dana afi'rinoha mitto mancho afoommo. Isino shaalado haarretenni gannoonni siiwonna bikkinanni daabba anga amade e'nanni waalchira uurre no.

HIZIQEELI 8:2

Ale hige laeemmo woyite, dana giirate buwani gede xawannoha manna lawannoricho afummo. Hakku manna lawannorichino halli woro giira, halli ale fiinoonni camo lawannoho.

MAATEWOOSI 17:2

Hakkiicho heedheenna albansaanni danisi wole ikki; albisino arrishshote gede xawi; uddanosino waajjo qoffe ikkite caabbichimma xabbu.

MAATEWOOSI 28:3

Sokkaasinchu albino belequ gede xawanno; uddanosi kaadete gede waajjote.

LUQAASI 9:29

Huucci'ranni hee'reenna albisi soorrameenna wolu daniha ikki; uddanosino waajjo qoffe ikkitu.

YOHAANNIS AJUUJA 10:1

Hakkunni gedensaanni, gomicho uddi'rinohu wolu jawaatu sokkaasinchi gordunni dirranna afummo. Magani-seemo umosi doyissite no; albisi arrishshote gedeeho. Lekkasi giirate heelliicho gedeete.

YOHAANNIS AJUUJA 19:12

Illesi giirate buwano labbanno; umisi aana haammata mootete worraaqqa no. Iso agurranna wolu mittuno afa dandaannokki su'mi aanasi borreessame no.

YOHAANNIS AJUUJA 2:18

«Tiyaxiroosi Katamira noo beetekiristaane sokkaasinchira, « ‹Giirate buwano labbanno ille noosihu, giiratenni daashshinihu gedensaanni fiinoonni camo labbanno lekkahu Maganu Beetti:

YOHAANNIS AJUUJA 21:20

onti safo duumu dilqinni, leelki safo burcuqqaamu dilqinni, lamalki safo duumu burcuqqaamu dilqinni, settikki safo haanju dilqinni, honsi safo baqqalu dilqinni, tonnikki safo kooshimu dilqinni, tonaa mitikki safo kuulaamu dilqinninna tonaa layinki safo xiillichu dilqinni seesiinsoonni.