DAANIEELI 10:1 - Qullaawa Maxaafa

¹ Faarisi moote Qiroosi moohihunni sayikki diro, Bilxaasoori yinannihu Daanieeli wole ajuuja afi. Kulloonnisi coyi halaalehona, kayinnilla giddo olu duduwo amadino; tirono ajuujatenni afino.

DAANIEELI 10:1 ပူးပေါင်းရင်းမြစ်များ

KALAQAMA 41:32

Atera haaqee lamu daninni leeltinohehu, kuni coyi Maganu yiinohanna mulenni wo'mannoha ikkino daafiraati.

LAYINKI DUDUWO 36:22

Kaaliiqi himanaanchu Ermiyaasi widoonni qole kulino himani Faarisi moote Qiroosi gashshootira umi diro wo'mino. Kaaliiqi Qiroosi gashshootisi baalunkura lallawa fushshe borrote sokkanni iillishe naggi yitino qoonqonni mannaho xawisanno gede assi.

IZIRA 3:7

Hakkunni gedensaanni, kinna boccannoriranna mintannorira woxe uyitu. Faarisi moote Qiroosi fajjino garinni daguwa Libaanoosinni baaru aanaanni qolte Iyophera abbitanno gede Sidoonanna Xiroosi mannira sagale, agattonna zayite uyitu.

IZIRA 4:3

Zerubaabeeli, Iyyaasunna wolootu Israeelete gosa sooreeyye kayinni, «Maganinke Mine mintinara ninke ledo xaadu dino'ne. Faarisi moote Qiroosi hajajinonke garinni Israeelete Maganira Kaaliiqira Qullaawa Mine minneemmori ninkeetilla» yite dawartunsa.

IZIRA 4:5

Qiroosinna Daariyoosi gashshooti loosaasinera muishsha aatenni looso wonaalleessitu.

IZIRA 6:14

Ayihudete sooreeyyeno himanaanchu Hagenna Iddo beetti Zakkaariyaasi jawaachishshannansa looso xiibbu. Qullaawa Mineno, Israeelete Magani yiino garinni Faarisi mootoolla Qiroosi, Daariyoosinna Arxekisiisi hajajonni minte guddu.

IZIRA 6:3

«Qiroosi moohi diro, Yerusaalamete Maganu Mini minamanno gedenna, hakkiirano fushshaatenna kakkalono shiqinshanni gede hajajino. Minuno, hojja 60 cigile, hala'linye 60 cigile ikkona.

ISAYAASI 44:28

Qiroosi, ‹Manna'ya gashshatto; hedoommore assatto› yeemmosi. Isino, ‹Yerusaalame galagalte minanto; Qullaawu Minino safamo› yaanno» yii.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 1:21

Kunni garinni Daanieeli Faarisi moote Qiroosi Baabilooni horri yanna geeshsha mootete mini giddo amaalaancho ikke keeshshino.

DAANIEELI 1:7

Gashshaanote roorrichi su'mansa soorre Daanieeli Bilxaasoori, Hanaaniya Sidiraaqi, Mishaeeli Misaaqi, Azaariya Abidinaago yee fushshi.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 11:2

Sokkaasinchu lede coy'ranni, «Ani xa kuleemmohe coyino ikkannoho: Wolootu 3 mootoolla Faarisi gobbara mookkanno. Insanni aane daannohu shoolki moote ku'urinni roore dureessa ikkanno; durummatenni wolqa afi'ranno yannara, gano gane woloota Giriikete gashshooti aana kayisanno.

DAANIEELI 12:4

Qoleno, «Daanieeli, kalqete goofimarchi geeshsha maxaafa cuffe maatama aanaho gani. Hatte yannara lowo manni egenno hasi'ranni dargunni darga sa"anno» yii.

DAANIEELI 12:9

Isino qole, «Daanieeli, goofimarchu iilla geeshsha maxaafa cunfe maatama aanaho gannoonnina, ati keerunni ha'ri.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:8

Hakkunni gedensaanni magani'ya su'minni Bilxaasoori yine woshshinannihu Daanieeli ei. Kuni manchi qullaawa maganna ayyaana afi'rinoha ikkinohura haaqee'ya,

DAANIEELI 5:12

Isi haaqeenna hibbo tiratenna go'lino coye xawise kulate addi guunte afi'rino egennaamootinna hayyicha manchooti. Kunnira annikki Nabukadanatsoori, ‹Bilxaasoori› yee su'ma fushshinosiha Daanieeli woshshi'ri. Isi konne coye tire kulannohe» yitusi.

DAANIEELI 5:17

Daanieelino, «Moote'ya! Afanshikki atenkalla ikko; ba'raasattoera hedoottoreno woleho uyi. Borro kayinni nabbawe tiro kuleemmohe.

DAANIEELI 6:28

Daanieeli Daariyoosinna Faarisi moote Qiroosi gashshooti yanna baalate ayirre hee'ri.

DAANIEELI 8:16

Ulayimi Wayi aanaanni higge, «Gebirieeli! Kuni manchi ajuujate tiro buuxanno gede assi» yitanno huuro dagganna macciishshoommo.

DAANIEELI 8:26

Soodonna hawarro kakkalo daafira kulloonni ajuuja wo'mitannote. Ikkirono wo'mita geeshsha lowo yanna gattanno daafira maaxxe amadde agari» yii.

LUQAASI 1:20

Ati kayinni yannasira wo'mannoha qaale'ya diammanootto. Kunnira, kuni kulummohe coyi baalu wo'ma geeshsha danqicha ikkatto; coyi'rano didandaatto» yiisi.

YOHAANNIS AJUUJA 19:9

Hakkunni gedensaanni sokkaasinchu, «‹Ge'rechu jili hurbaatira woshshantinori ba'raadhinoreeti› yite borreessi!» yiie. Lede, «Tini halaalaancho Maganu sokkaati» yiie.