DAANIEELI 1:4 - Qullaawa Maxaafa

⁴ Doorantanno wedellino mootete gashshooti mine soqqamate guuta manna ikkitanno gede dana xumuulle, egenno baala wodanchanna wo'manka coye rakke buuxa dandiitannore, uurrinsha subbinore ikka hasiissannonsata qaagiissino. Qoleno Baabiloonootu afoonna borreessate gara rosiisannonsa gede hajajisi.

DAANIEELI 1:4 ပူးပေါင်းရင်းမြစ်များ

KALAQAMA 41:46

Yooseefi Gibitsete moote Ferioonira soqqama hanafi yannara dirisi sajjooho. Isino mootete mininni fule, Gibitsete baatto baala ha're towati.

LAYINKI SAAMUEELI 14:25

Israeelete manni baalunku giddo Abeseloomi xummete egennaminoho. Manninatisi aana mittoreno kullannire diafi'rinoho.

LAWISHSHA 22:29

Jawaata loosaasincho egennootto? Isi shollaataammu manni albaanni ikkikkinni, mootoollate albaanni uurranno.

ROSIISAANCHO 7:19

Mittu katamira heedhannorinni tonne gashshaasinenni roore, mitto mancho egennosi wolqaataamo assitannosi.

ISAYAASI 36:11

Hakkunni gedensaanni, Eeliyaaqeemi, Shebinanna Yoaahi Asoori gaadaannira, «Ninke qaale egenninoommo daafira Sooriyu qaalinni kulinke. Huxxu aana noo manni macciishshannona Ibiraawootu qaalinni kultootinke» yitusi.

ERMIYAASI 5:15

Qoleno, «Israeelete manna! Kuneeti ki'ne aana bala tugganno daga, fafo gobbanni abbeemmo. Tini dagano wolqaataame bi're albi dagaati; afoonsano diegentinoonnireeti; coyidhannoreno diaffinanni.

DAANIEELI 2:10

Masaalaanono, «Mootenke! Ati afattora hasi'ratto coye kulahera dandaanno mancho tenne gobba aana dianfanni. Mitte moote aye geeshshano jawanna wolqaataamo ikkiro nafa togoo xa'mo kiilaanote, bitaammahonna masaalaanote shiqishe diegennino.

DAANIEELI 2:2

Kunni daafira haaqeesi tirate kiilaano, bitaamma, gojaammanna masaalaano isiwa dagganno gede hajaji. Insano dagge albasiinni uurrituta,

DAANIEELI 3:8

Hatte yannara mitu mitu Baabilooni amaalaasine konne coye irkidhe Yihudoota su'ma huntunsa.

DAANIEELI 4:7

Kiilaano, qaalloole, masaalaanonna ayyaanto baala woshshe haaqee'ya kuloommonsa. Insa kayinni haaqee'ya tiro kultaera didandiitino.

DAANIEELI 5:11

Qullaawa maganna ayyaana afi'rinohu mittu manchi gashshootikki giddo no. Kuni manchi annikki gashshooti yannara magannannite gedee egenno, hayyonna wodancha wo'mitinoha ikkinota anfoonni. Kunnira annikki moote Nabukadanatsoori kiilaano, qaalloole masaalaanonna ayyaanto baalate sooreessa asse shoominosi.

DAANIEELI 5:7

Qaalloole, masaalaanonna ayyaanto woshshinannisi gede hirrate coyi'ri. Insano daggeenna moote, «Tenne borro nabbawe tiro kulannoehu mootennita xiillitte uddano uddi'ranno; ayirrinyu malaate ikkitinota culku cagaage goowaho worrannisi; gashshooti'yarano sayikki darga amadanno» yii.

DAANIEELI 9:1

Ilama Medoonicha ikkinohu Arxekisiisi beetti Daariyoosi Baabilooni gobbara moohi.

ZAKKAARIYAASI 2:4

Umi sokkaasinchi layinkihura, «Bikkinanni siiwo amadino wedellichiwa dodde marte, ‹Yerusaalamete lowo manninna lowo saada heedhannohura lowoha kinchu huxxa huxxinara didandiinanni;

SOQQAMAASINETE LOOSO 7:20

Muse hatte yannara ilamino. Isi Maganu illera xuma qaaqqooti. Sase agana annisi mine lophino.

SOQQAMAASINETE LOOSO 7:22

Isi Gibitsete gobba egenno baala rose, coyinninna loosunni jawaata ikkino.

EFESOONI SOKKA 5:27

Xuru woy alba kolishshi'ra, woy hattoohu wolu bushu coyi aanase hee'rikkinni, qullaawanna arrasso nookki gaamaara asse umisiwa shiqishara yeeti.

EJJEETTO 8:18

Zaabiheelinna Silmana, «Taaboori Ilaali aana shitini manni hiittoohoro kulle"e?» yee xa'minsa. Insano, «Wo'munku atente gede mootete ooso labbannoreeti» yitusi.