DAANIEELI 1:20 - Qullaawa Maxaafa

²⁰ Egennotenna wodanchate daafira moote shiqishino xa'moranna haaqee baalate rahe dawaro qolate, gashshooti baalu giddo noo kiilaanonna bitaamma insa tonne anga roortino.

DAANIEELI 1:20 ပူးပေါင်းရင်းမြစ်များ

KALAQAMA 31:7

Anni'ne kayinni daafuri'ya waaga 10 hige soorranni doginoe; Maganu kayinni gawajjaera wore diagurino.

KALAQAMA 41:8

Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.

NEHIMIYA 4:12

Kayinnilla, diinnanke mereero heedhanno Ayihudooti tonne higge ninkewa dagganni diinnanke gano gantanni noonke gara kulte qorophisiissinonke.

IYYOOBI 19:3

Horonta saalfattinannikkiha, kuneeti tonne higgine xontinoonnie;

FAARSO 119:99

Hajajokki marro hige hedatenni, rosiisaano'ya baalantenni roore wodancha afi'roommo.

FULO 7:22

Hakkunni gedensaanni, Feriooni bitaammi bitansanni hattonni assitu; isino wodanasi dilleessi; Kaaliiqi yiinonte gede, Musenna Aarooni yitinoreno macciishsha giwi.

FULO 8:19

Bittannorino, «Kuni Maganu loosooti» yite Ferioonira kultu; Feriooni wodani kayinni dillaawe no; Kaaliiqi coyi'rinte gede Musenna Aarooni yitinore dimacciishshino. Toronde

FULO 8:7

Ikkollana, bittannorino hattonni bitansanni beche'naama Gibitsete baatto tuqqanno gede assitu.

ISAYAASI 19:3

Gibitsootu hexxo mudhitanno; hedonsano mullare asse agureemmo. Hatte yannara, kaa'litannonsa gede magannansa xa'midhanno. Kiiloho hadhanno; ekerrate ledo ma'litanno.

HIZIQEELI 28:3

Ati Daanieelinni roore hayyichaatini? Xa ati afoottokkiri dinoni?

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 2:13

Hayyoole shinara fultino hajajora Daanieelinna miillasino ledo shinanni gede hajajino.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 5:17

Daanieelino, «Moote'ya! Afanshikki atenkalla ikko; ba'raasattoera hedoottoreno woleho uyi. Borro kayinni nabbawe tiro kuleemmohe.

KIIRO 14:22

halallitte gobbara assoommonsa maalale affanni heedhenni hajajama gibbe batinye higge fonqoltinoe.