ASTEERI 9:17 - Qullaawa Maxaafa

¹⁷ Kuni coyi ikkinohu Adaari aganira tonaa sayikki barraati. Suusa Katamira gobbaanni noo Ayihude tonaa shoolki barra mitto mannano shitukkinni hagiidhitanninna ji'litanni hossu.

ASTEERI 9:17 ပူးပေါင်းရင်းမြစ်များ

ASTEERI 3:12

Kunnira umi agani eihunni tonaa sayikki barra, Haama mootete borreessaano woshshe, lallawa addi addi afiinni tirre budu budu garinni borreessine addi addi gobba gashshitinoriranna roorroota baalaho sonkanni gede hajaji. Lallawano moote Arxekisiisi su'minni borreessine cuuichosi aanaho ganni.

ASTEERI 8:9

Hatte soodonni Siwaani yinannihu sayikki agani eihunni lemiina sayikki barra, Merdookiyoosi mootete borreessaano woshshe Ayihudete, Hindetenni kayise Itiyophiyu geeshsha nootera 127 gobba gashshitino roorrootiranna sooreeyyera sonkanni sokka borreessitanno gede assi. Borrote sokkano addi addi afiinni tirreenna, addi addi budinni borreessite, hattono Ayihudootu afiinnino tirreenna borronsa budi garinni borreessitanno gede assi.

ASTEERI 9:1

Adaari aganihu tonaa sayikki barri iilli. Hakku barri, Ayihudete diini umonsa kade uurrate mootete lallawa wonshara agadhe noo barraati. Ikkollana hakku coyi soorrameenna Ayihude insara iimaanni higgino.

ASTEERI 9:18

Suusa Katamira heedhanno Ayihude kayinni tonaa sayikkinna tonaa shoolki barra manna shitanni hosse, tonaa ontikki barra shaa agurte ayyaana assidhe hagiidhitanninna ji'litanni hossu.

ASTEERI 9:21

Diru dirunkunni Adaari aganira tonaa shoolkinna tonaa ontikki barra ayyaana assidhe ayirrissanno gede kulinsa.