ASTEERI 9:15 - Qullaawa Maxaafa

¹⁵ Adaari aganira tonaa shoolki barra, Suusa Katamira heedhanno Ayihude layinkimeeshsho gamba yite xaadde ledde 300 manna shitu. Ikkollana xaano ikkiro jajjansa disaantino.

ASTEERI 9:15 ပူးပေါင်းရင်းမြစ်များ

ASTEERI 8:11

Borrote sokka giddo borreessinoonni coyi baalunku katamira heedhanno Ayihudooti iillitannonsa gawajjo hoo'late gamba yite kaa'lantanno gede moote fajjinota kulannoho. Kunni garinni, hiitte gobbahuno woy hiitte ilamahuno ikkiro bagado adhe daye mannansa, oosonsanna meentonsa gawajjannoha ikkiro, insano qolte diinansa, diininsa meentonna oosonsa mittuno gatikkinni shite mucuqqi assite gudde jajjansa baala gudha dandiitanno.

ASTEERI 9:12

Mooteno mootitte Asteerira, «Kuneeti Ayihude Suusa Katami callaho shitino manni tonnu Haama ooso ledo 500 ikkino. Addi addi gobbara shitino manni kiiro kawiinni lowo geeshsha roortanno. Uyinannihena, woliri xa'mi'rattari nooni? Hasi'rattari nooro, eemmohena kulie» yiise.

ASTEERI 9:13

Asteerino, «Maahoyye yiittoero, Suusa Katamira heedhanno Ayihude ga'ano ledde techo gede assitona fajjinsa. Tonnenka Haama ooso reeshshano massine dawete suntanni gede hajaji» yitu.

ASTEERI 9:14

Moote kunni coyirano hajajo uyi. Konne coyeno Suusa Katamira lende lallambi. Tonnenka Haama ooso reeshshano mannaho leellannowa xawoho massine sunti.

ASTEERI 9:16

Kunni garinni mootete gashshootira gobba baalate heedhanno Ayihude gamba yite qixxaabbe umonsa garigadhitu. Gibbannonsare 75,000 manna shite umonsa diinu anganni gatisidhu. Ikkollana xaano ikkiro diininsa jajja disaantino.

ASTEERI 9:2

Mootete gashshooti giddo noo katammara Ayihude heedhannowa baala gawajjara hasi'rannohura bala tugate qixxaabbe agartu. Base baalate heedhanno gosa insa waajjitino daafira seyatinonsahu mittuno dino.

UMI TESELONQE 5:22

Bushu coyi baaluwiinni xeertidhe.

IBIRAAWOOTA 13:5

Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.