ASTEERI 8:9 - Qullaawa Maxaafa

⁹ Hatte soodonni Siwaani yinannihu sayikki agani eihunni lemiina sayikki barra, Merdookiyoosi mootete borreessaano woshshe Ayihudete, Hindetenni kayise Itiyophiyu geeshsha nootera 127 gobba gashshitino roorrootiranna sooreeyyera sonkanni sokka borreessitanno gede assi. Borrote sokkano addi addi afiinni tirreenna, addi addi budinni borreessite, hattono Ayihudootu afiinnino tirreenna borronsa budi garinni borreessitanno gede assi.

ASTEERI 8:9 ပူးပေါင်းရင်းမြစ်များ

LAYINKI MOOTOOLLA 18:26

Hakkunni gedensaanni, Eeliyaaqeemi, Shebinanna Yoaahi Asoori gaadaannira, «Ninke qaale egenninoommo daafira, Sooriyu qaalinni kulinke. Huxxu aana noo manni macciishshannona Ibiraawootu qaalinni kultootinke» yitusi.

LAYINKI DUDUWO 15:10

Insano Aasa moohihunni tonaa ontikki diro, sayikki aganira addi addi gobbanni gamba yite Yerusaalame daggu.

ASTEERI 1:1

Faarisi moote Arxekisiisi dannawu katama Suusa teesso assi're Hindetenni kayise Itiyophiyu geeshsha 127 gobba gashshino.

ASTEERI 1:22

Kunnira moote, «Mittu mittunku ayiddaannira minesi coyi're gashshate roorre heedhosi» yitanno hajajo addi addi afiinninna addi addi borronni qixxeessine gashshootisi gobba baala iillinshanni gede assi.

ASTEERI 10:1

Moote Arxekisiisi gashshootisi giddo hala'lado baattoranna giddichuwate hee'ranno manni baalu giwire gabbaranno gede hajaji.

DAANIEELI 4:1

Moote Nabukadanatsoori addi addi gobbaranna addi addi gosara hee'rannohura babbaxxino afiinni coyi'ranno mannira aante noo sokka soyino: «Keeru ki'nera ikko!

DAANIEELI 6:1

Daariyoosi gobba gashshitannore 120 gashshaano wori.

DAANIEELI 6:25

Hakkunni gedensaanni moote Daariyoosi gobba baalate hee'rannohuranna addi addi afiinni coyi'ranno mannira borrotenni, «Keeru ki'nera ikko!