ASTEERI 8:15 - Qullaawa Maxaafa

¹⁵ Merdookiyoosi kuulaamenna waajjo mootete mini uddano uddi're, xiillicha kaabba aanaho ga'ne, xuma culku ba'latto umoho wodhe mootete mininni fuli. Mannuno hagiirrunninna ililleettetenni Suusa Katama milli assi.

ASTEERI 8:15 ပူးပေါင်းရင်းမြစ်များ

KALAQAMA 41:42

Feriooni mootete attami aanaho noo cuuicho angasinni fushshe Yooseefi angara wori; waajjo shaalado uddanono uddisiisisi; goowisirano culku cagaage worisi.

ASTEERI 1:6

Hakkonne caa'linanni darga waajjonna bule dukkonni biifinsoonni. Tenne dukko xiillitte heqonni usurre birrunni seekkinoonni qalawatera giddoonni qolle sayinsoonni siibba, calallaqu kinchi tuuqqa aana rarraansoonni. Culkunninna birrunni seekkinoonniti harammaadda daallassa waajjunna duumu, baqqalunna bulu daninni ille qaphi assannohunni calallaqu kinchinni biifinsoonni darga dirreenna no.

ASTEERI 10:2

Isi assinoha wolqaataamonna dhaggete coye baala, qoleno Merdookiyoosi shoome ayirrado darga uyinosita Faarisinna Medooni mootoolla dhagge amaddino taje giddo borreessine worranni gede assinoonni.

ASTEERI 3:15

Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.

ASTEERI 5:1

Ita aga agurtuhunni sayikki barra, Asteeri mootimmate uddano uddidhe mootete barcimira albaanni noohura mootete mini xullichira e'e uurritu. Mooteno alba xullote widira hige ayirradu barcimisira ofolle no.

ASTEERI 5:11

Jirosinna oososi batinye coyi're, mooteno roorre ee mageeshshi geeshsha ayirrisinosironna wole gashshaano baalantenni roore ayirrado ikkinota naaxxanni kulinsa.

ASTEERI 6:11

Kunnira Haama mootimmate uddanonna farashsho haa're, Merdookiyoosira uddano uddisiise, farashshono gulufisiisisi. Merdookiyoosi farashsho gulufihu gedensaanni Haama massage albaanni ha'ranni, «Moote ayirrisara hasi'rinohura togo assinanni!» yaanni lallawi.

ASTEERI 8:14

Farado guluffannorino mootete hajajo garinni harfiixa mootete farado guluffe rakke hadhu. Mootete hajajono dannawu katamira Suusa faajjete lallambe kulli.

LAWISHSHA 11:10

Keeraanote qinaannonsa yannara katamu hagiidhanno; bushuullu reyitanno woyite ililleette ikkanno.

LAWISHSHA 28:12

Keeraano qeeltanno yannara, lowo geeshsha hagiidhinanni. Bushuullu roorre afidhanno yannara, kayinni mannu maaxamanno.

LAWISHSHA 29:2

Keeraano gashshitanno yannara, mannu hagiidhanno; bushuullu gashshitanno yannara kayinni, mannu dadillanno.

MAATEWOOSI 11:8

Xa maricho la'inara daggini? Biifado uddano uddi'rinoha la'inaraati? Biiffino uddano uddidhannore mootete mine anfanni.

MAATEWOOSI 6:29

Ani yeemmo'neti kayinni, Selemooni nafa kunni baalu ayirrinyisinni daraarote giddonni mittu daraarchi gede diuddi'rino.

LUQAASI 16:19

Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.