ASTEERI 8:10 - Qullaawa Maxaafa

¹⁰ Merdookiyoosi borrote sokka baala moote Arxekisiisi su'minni borreessiise mootimmate mini maatama aanaho gani. Borrote sokkano mootete mini gollora maddarranni farado guluffe rakke iillishshannorira sonki.

ASTEERI 8:10 ပူးပေါင်းရင်းမြစ်များ

UMI MOOTOOLLA 21:8

Hakkunni gedensaanni Akiaabi su'minni borrote sokka borreessite maatamasino aanaho gante Naabute hee'rannowa Iyiziraeeli noo gashshaanoranna geerraho sokku.

UMI MOOTOOLLA 4:28

Qolteno mittu mittunku gashshaanchi malloonni garinni faradi gaare goshooshannohuranna wolu faradira itanno hayixenna kura shiqishshu.

LAYINKI DUDUWO 30:6

Mootenna ledosi gashshaano sokkino sokka haa'rino manni Israeelenna Yihudu gobba baala ha'ri. Sokkano, «Israeelete manna! Asoori moote qafadowiinni gattinoonniri, Abirihaami, Yisihaaqinna Yaiqoobi Magani Kaaliiqiwa higginiro, isino ki'newa higanno.

ASTEERI 8:8

Ikkollana mootete maatama gannoonnihunna mootete su'minni lallamboonni lallawi disoorramanno. Ikkirono ki'ne hasidhinoonni coye Ayihudete borreesse; ane su'minni borreessitinihu gedensaanni mootimmate maatama aanaho ganne» yiinsa.

IYYOOBI 9:25

«Barri'ya dodanno manchinni roore ariiffatanno; mittu hagiirrino nookkiha xooqanno.

ROSIISAANCHO 8:4

Moote hasi'rire assara dandaanno daafira, «Togo mayira assitto?» yaannosihu dino.

ISAYAASI 60:6

Midiyaaminninna Efa yinanniwiinni dagganno gaalaasine baatto'ne wo'mitanno. Culkanna hixaana haadhe Saabanni dagginori baalu, Kaaliiqi galata lallabbe kultanno.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ERMIYAASI 2:23

‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.

ERMIYAASI 51:21

Faradonna faradaasine, faradi gaarenna guluffannore atenni runkutoommo.

DAANIEELI 4:1

Moote Nabukadanatsoori addi addi gobbaranna addi addi gosara hee'rannohura babbaxxino afiinni coyi'ranno mannira aante noo sokka soyino: «Keeru ki'nera ikko!

DAANIEELI 6:8

Kunnira moote, kuni lallawi Medooninna Faarisi seeri garinni ayirradonna soorramannokkiha ikkanno gede malaatisi» yitu.