ASTEERI 7:8 - Qullaawa Maxaafa

⁸ «Tenne saie» yaara hede mootitte Asteeri noo daallasi aana mare diriiri. Moote caalu haqqe giddonni galagale higanno woyite, tenne ikkito lae, «Kuni manchi mootimma'ya mine ille'ya la'anna mootitte galte'ya seyatara hasi'rino yaate!» yee hiddannaawe coyi'ri. Moote konne coye coyi'ranni hee'reennanni mureeyye dagge Haamara alba dibbu.

ASTEERI 7:8 ပူးပေါင်းရင်းမြစ်များ

ASTEERI 1:5

Hakkunni gedensaanni moote Arxekisiisi dannawu katamira Suusaho heedhannorira dureeyyeteno, buxaneteno lede wole jila jili. Mootete mini qaera caalu haqqe giddo jilloonnihu kuni jili mitte lamala wo'ma keeshshino.

ASTEERI 1:6

Hakkonne caa'linanni darga waajjonna bule dukkonni biifinsoonni. Tenne dukko xiillitte heqonni usurre birrunni seekkinoonni qalawatera giddoonni qolle sayinsoonni siibba, calallaqu kinchi tuuqqa aana rarraansoonni. Culkunninna birrunni seekkinoonniti harammaadda daallassa waajjunna duumu, baqqalunna bulu daninni ille qaphi assannohunni calallaqu kinchinni biifinsoonni darga dirreenna no.

ASTEERI 6:12

Hakkunni gedensaanni Merdookiyoosi galagale mootete mini waalchiwa higi. Haama kayinni saalfate umo guggu'le rahe minisira ha'ri.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

IYYOOBI 9:24

Baatto cubbaataammu angara aamantino; yoo yitannorita ille beeshshe, yoo yinannikki gede assino. Konne assinohu Magano ikka hoogiro, wolu hige ayetiyya?

ISAYAASI 22:17

« ‹Ati wolqaataamo ikkoottoha lawahera dandaanno; Kaaliiqi kayinni tuge agurannohe.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

AMOOTSI 3:12

Kaaliiqi lede, «Samaariyu giddo qawaaxxidhenna, la'mite heedhanno Israeelooti, boodu callu gattanno; hakkuno allaalaanchu doobbiichu afiinni gatisino cagi ge'rechonnihu ledo mittoho» yii.

MAARQOOSI 14:65

Mitu anja tuffanni, alba guggushshite gantanni, «Hanni masaali! Ganihehu ayeti?» yitusi. Agaraasineno qawaaddanni haadhe hadhusi.