ASTEERI 7:7 - Qullaawa Maxaafa

⁷ Mooteno lowo geeshsha hanqe, jilu aaninni agure fule mootete mini haqqe caalunnitewa ha'ri. Moote kunni coyira busha hedinosita Haama afe, lubbo gatisi'rate mootitte Asteerira eegamara badhe hige gati.

ASTEERI 7:7 ပူးပေါင်းရင်းမြစ်များ

ASTEERI 1:12

Ikkollana mootitte Asxiini kulloonniseta mootete sokka macciishshite isiwa didaggino. Kuni coyi moote lowo geeshsha hanqisisi.

ASTEERI 1:5

Hakkunni gedensaanni moote Arxekisiisi dannawu katamira Suusaho heedhannorira dureeyyeteno, buxaneteno lede wole jila jili. Mootete mini qaera caalu haqqe giddo jilloonnihu kuni jili mitte lamala wo'ma keeshshino.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

FAARSO 112:10

Bushuullu tenne affe aarantanno; iso busha illenni la'annosi; insa kayinni ba'anno; hexxonsano mullare ikkite gattanno.

LAWISHSHA 14:19

Bushuullu danchu manni albaanni guluphitanno; keeraanote nafara gombisante kaa'lo huuccidhanno.

LAWISHSHA 14:35

Egennaamu soqqamaanchi moote hagiirsiisanno; gowwa gede ikkannohu kayinni umisi aana hanqo abbi'ranno.

LAWISHSHA 16:14

Mootete hanqi reyo abbanno; egennaamu manchi kayinni hanqo qiissanno.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

DAANIEELI 3:19

Hatte yannara Nabukadanatsoori Sidiraaqi, Misaaqinna Abidinaagora lowo geeshsha buwe hanqeenna albisi kolishshi'ri. Kunnira, giira albinni roore 7 ero bubbanno gede hajaji.

YOHAANNIS AJUUJA 3:9

Ayihude ikkitukkinni, «Ninke Ayihudete» yitannori, Sheexaanu gaamo miilla ikkitino kaphaasine, albakkiinni dagge lekkakki hunda ubbe, ani baxoommoheta affanno gede asseemmo.

UMI SAAMUEELI 20:7

‹Maahoyye› yiiro, yaachishannoeri dihee'ranno; hanqiha ikkiro kayinni busha hede nooeta afatto.

UMI SAAMUEELI 20:9

Yoonaataanino, «Tini atera iillitoonkehe! Anni'ya busha hedinoheta afe hiitto kula hoogeemmohe?» yiisi.

UMI SAAMUEELI 25:17

Xa kayinni mootichankenna minesi baala qarru amadaraatina, hanni malte mitto coye assi. Isi woyite wodana shota ikkino daafira coyi'nannire dimacciishshanno» yitu.