ASTEERI 6:7 - Qullaawa Maxaafa

^7-8 Kunnira mootete, «Kunni manchira ati uddi'rattota mootimmate uddano abbinannisi gede assi; ati gulufatto farashsho abbine umoho ayirrinyu ba'latto worranni gede hajaji.

ASTEERI 6:7 ပူးပေါင်းရင်းမြစ်များ

ASTEERI 6:11

Kunnira Haama mootimmate uddanonna farashsho haa're, Merdookiyoosira uddano uddisiise, farashshono gulufisiisisi. Merdookiyoosi farashsho gulufihu gedensaanni Haama massage albaanni ha'ranni, «Moote ayirrisara hasi'rinohura togo assinanni!» yaanni lallawi.

ASTEERI 6:6

Haama minira eita moote, «Lowo ayirrinye aammosira hasi'roommohu mittu manchi no. Kunni manchira ma"assummosiro woyyannoha lawannohe?» yee xa'misi. Haama wodanisinni, «Moote konne ayirrinye ane ka'a woleho ayera aanno?» yee hedi.

ASTEERI 6:9

Gashshootikki ayirraddi giddonni mitto woshshite mootimmate uddano uddisiise, farashsho gulufisiise, massage albaanni ha'ranni katamu gudumaale haa're ha'ranno gede assi. Lamunku hadhanno woyite massage noo ayirradi, ‹Moote ayirrisara hasi'rannohura togo assinanni!› yaanni lallawo» yii.