ASTEERI 4:16 - Qullaawa Maxaafa

¹⁶ «Hadhe Suusa Katamira noo Ayihude mittowa gamba assiteenna, ita aga agurtine ane daafira huucce; sase barranna sase hashsha mittoreno afooho wodhitinoonte. Aninna soqqamannoe meentino kunni garinni keeshshineemmo. Hakkunni gedensaanni seerunni hoolloonniha ikkiro nafa mootenniwa e"eemma. Togo asse reyummarono reyo» yite sokku.

ASTEERI 4:16 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

KALAQAMA 43:14

Wo'manka Dandaanno Magani ko'onne rodoo'nenna Biiniyaami ledo'ne soyannoe gede hakko manchi wodana shaqqisho'ne; ilaweelo ikke gatummorono, hige ma"asseemmo abbinoere adheemmo» yiinsa.

LAYINKI SAAMUEELI 10:12

Kunnira, xa jawaati! Manninkenna Maganinke katammara jawaante olammo. Baalunku coyi Kaaliiqi yiino gede ikko» yii.

LAYINKI MOOTOOLLA 7:4

Katama ea kaa'litannonkeri dino. Hakkiira e'nummoro hude shitannonke; kawiicho keeshshinummorono reyanke digattinote. Kunnira amme ka'e Sooriyootu qacha ha'nona; marartunkero hee'neemmo; shitunkerono reyantella» yitu.

LAYINKI DUDUWO 20:3

Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.

IZIRA 8:21

Ninkenna oosonke, hattono jajjanke baala agarannonke gedenna ha'neemmo doogo keere assannonke gede, Ahawa Wayi mule Maganinke albaanni umonke shollinshe itanna aga agurre huucci'neemmo gede lallawummo.

ASTEERI 4:15

Asteerino Merdookiyoosira,

ASTEERI 4:17

Merdookiyoosino kae ha're, Asteeri yitinosire baala assi.

ASTEERI 4:3

Mootete lallawu iillino gobba baalate heedhanno Ayihudooti raarte wi'litu; itanna aga agurte raarte wi'litu. Lowo mannino xiddu uddano uddi're buluulu aana ofolli.

ASTEERI 5:1

Ita aga agurtuhunni sayikki barra, Asteeri mootimmate uddano uddidhe mootete barcimira albaanni noohura mootete mini xullichira e'e uurritu. Mooteno alba xullote widira hige ayirradu barcimisira ofolle no.

ASTEERI 9:31

Hakkunni aanano albaanni ita aga agure huucci'rate worroonni seera agadhitannonte gede Furiimi barruwano insanna dagganno ilama diru dirunkunni agadhitanno gede kultanno. Tenne hajajono mootitte Asteerinna Merdookiyoosi mitteenni sumuu yite fushshitino.

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

ERMIYAASI 36:9

Iyosiyaasi beetti Iyoaaqeemi Yihudaho moohihunni ontikki diro honsikki aganira, Yerusaalamete hee'rannohunna Yihudu katammanni dayino manni baalu Kaaliiqi maaro afi'rate ita aga agure huucci'ri.

DAANIEELI 2:18

Insano wolootu Baabilooni hayyoole ledo shinanninsakki gede, gordu Magani marare maaxamino coye xawisansara huuccidhanno gede qaagiissinsa.

MAATEWOOSI 12:40

Yoonaasi mittu jawu qulxu'michi godowi giddo sase barranna sase hashsha keeshshinte gede, Manchi Beettino waammate giddo sase barranna sase hashsha keeshshanno.

LUQAASI 9:24

Lubbosi gatisi'ra hasi'rannohu baalu hu'nanno; ane daafira yee lubbosi hunannohu baalu kayinni gatisi'ranno.

YOHAANNISI 19:22

Philaaxoosi kayinni, «Ani borreessoommore borreessoommo» yee qolinsa.

SOQQAMAASINETE LOOSO 10:7

Konne kulisi sokkaasinchi isiwiinni ha'rihu gedensaanni Qornelewoosi, soqqamaanosi giddonni lame mannanna olantosi garo giddonni mitto Magano waajjannoha woshshe,

SOQQAMAASINETE LOOSO 20:24

Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo.

SOQQAMAASINETE LOOSO 21:13

Phaawuloosi kayinni, «Wi'litinanni wodana mayira daaqissinannie? Ani Mootichu daafira Yerusaalamete usurama calla ikkikkinni reyote nafa qixxaawe noommo» yiinsa.

SOQQAMAASINETE LOOSO 27:33

Sooda rahita, Phaawuloosi sagale ittanno gede kulanni, «Sagale ittinikkinni techo tonaa shoolki barraati.

SOQQAMAASINETE LOOSO 9:9

Sase barra wo'ma mittoreno laikkinni, waa waasa yiikkinni keeshshi.

ROOMU SOKKA 16:4

Insa ane daafira yite reyote nafa qixxaabbinoreeti. Kunnira, lowo geeshsha galateemmonsa. Ane calla ikkummokkinni Dagate giddonni higge amma'nitino beetekiristaanna baala galattannonsa.

FILIPHISIYUSI SOKKA 2:30

Isi, ki'ne mule'ya heedhine kaa'la dandiitinannikki coye assaera yee, Kiristoosi loosi daafira lubbosi mararikkinni reyote geeshsha iille gatino.

IYYAASU 24:15

Iso magansi'ra dancha lawa hooggu'nero kayinni, akaakka'ne Efiraaxisi Wayira widoonni heedhu waro magansidhure, woy xa gobbansara heedhinannirita Amooraawootu maganna magansidhinanniha ikkiro, magansidhinanniha techo doodhe. Aninna mini'ya manni kayinni Kaaliiqa magansi'neemmo» yii.

UMI SAAMUEELI 19:5

Filisxeemicha shiinohu nafa umosita mitte assi'reeti. Kaaliiqi isi widoonni qole Israeele baalate bayira qeelle uyino. Atino konne coye affe hagiidhootto. Beebbatenni konne keeraancho shite mayira cubbamatto?» yiisi.