ASTEERI 3:8 - Qullaawa Maxaafa

⁸ Kunnira, Haama moote Arxekisiisira, «Gashshootikki giddo gobba baalate farsha yite heedhannoti mitte gosa no. Tini gosa wole gosawiinni baxxitino woga afidhinote. Hakkiinnino sa'e, gashshootikki seerirano dihajajantannoreeti. Konne manna sammi yite agurittoro atera dancha di"ikkanno.

ASTEERI 3:8 ပူးပေါင်းရင်းမြစ်များ

IZIRA 4:6

Xerkisiisi gashshootira umo, Yihudahonna Yerusaalamete hee'ranno manna baarigaarransa borrotenni yekkeertunsa.

NEHIMIYA 1:8

« ‹Ki'ne Israeelete manna, anera ammanama hoogginiro dagate mereero billaalliseemmo'ne. Ikkollana anewa higgine hajajoommo'nere wonshitiniro, baattote qacce geeshsha billaallitiniro nafa, ani magansi'naera doodhoommo dargira galagalche abbeemmo'ne› yite Musera coyi'rootto qaale qaagi.

ASTEERI 3:9

Moote, tenne gosa shine gundanni gede lallawa fushshittoro woyyate. Hatto assittoro, gashshootikki haja kaa'late ikkanno gede 340,000 kiilo keenannoha kinchu birra abbe mootimmannihura miinju mine woreemmo» yii.

ASTEERI 4:1

Merdookiyoosi konne assinoonni coye baala macciishshe dadillunni uddanosi dari; hakkunni gedensaanni xiddu uddano uddi're umisi aanano buluulo giggishshi're qoonqosi naggi asse heqqifate wi'lanni katamu giddo ka'anna kawa ha'ranni raataawi.

ERMIYAASI 33:24

«Mannu, ‹Kaaliiqi doorinonsare lamenka mine Israeelenna Yihuda agurinonsa; gosate gede dikiirrannireeti› yee manna'ya mishinota diafootto?

ERMIYAASI 50:17

Kaaliiqi, «Israeelete manni doobbiyu shorre billaallisino ge'reewi gede ikkino; balaxe Asoori moote gawajjinonsa. Hakkunni gedensaanni, Baabilooni moote miqichonsa quruuxino.

HIZIQEELI 11:16

«Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

HIZIQEELI 6:8

« ‹Shiima gorramatenni gatino manna kayinni, dagate mereero billaalliseemmo.

DAANIEELI 3:8

Hatte yannara mitu mitu Baabilooni amaalaasine konne coye irkidhe Yihudoota su'ma huntunsa.

DAANIEELI 6:13

Insano, «Hatto ikkiro moote, Yihudunni qafadante dagginori giddonni Daanieeli ate ayirrisa giwino; malaatisse fushshootto lallawano diige barrunni 3 hige maganosi huucci'ranni no» yitu.

DAANIEELI 6:14

Mooteno konne coye macciishshe lowo geeshsha dadilli. Daanieelino gatisasira hedi. Arrishsho e'a geeshsha iso gatisanno doogo baala afi'rara wo'naali.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

KIIRO 23:9

Insa ilaallate birxera uurre, gaarrate aana hee're laeemmo. Wolu manniwiinni baxxite, insanaa maganiweelo gosa gede assite kiirtukkinni, heedhannore afeemmo.

YOHAANNISI 7:35

Kunnira Ayihudete roorrooti insa insanaawa, «Kuni manchi ninke anfeemmokkiwa hiikka ha'raraati ikka? Giriikootu gobba giddo billaallite noo Ayihudewa mare insa rosiisaraati ikka?

SOQQAMAASINETE LOOSO 24:5

Kuni manchi ninkera dhibba ikkinonke. Gobba baalate noo Ayihudootira qarra kalaqino. Naaziraanote yinanni so'risiisaanora sooreessaho.

SOQQAMAASINETE LOOSO 28:22

Ati amadootto amma'no mannu darga baalaho giwinota anfoommona, hanni hedokki maatiro macciishshineemmona kulinke» yitu.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.

MARRO 32:26

Insa ayino qaagannonsakki gede asse, billaallisammora dandeemmo.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.

YAIQOOBI 1:1

Gobba baalate billaallite noorira tonaa lamente Israeelete ga'rera, Maganunna Mootichu Yesuusi Kiristoosi soqqamaancho ikkoommohu ani Yaiqoobi soommo sokka. Keeru ki'ne ledo hee'ro.

UMI PHEEXIROOSI 1:1

Yesuusi Kiristoosi soqqamaasinchi ani Pheexiroosi, Manni gobba manna ikkitine Phanxoosi, Galaatiyaho, Qephedooqiyaho, Issiyahonna Biitaaniyaho billaallitine heedhinannirira,