ASTEERI 3:2 - Qullaawa Maxaafa

² Qoleno moote mootimmasi giddo noo gashshaasine baala guluphite keere haadhannosi gede hajaji. Insa baalunkuno hajanjoonninsa gede ikkitu. Konne coye kayinni Merdookiyoosi callu giwino.

ASTEERI 3:2 ပူးပေါင်းရင်းမြစ်များ

KALAQAMA 41:43

Moote layinki faradi gaaresira ofoshshiisheennasi agaraasinesi, «Ayirradoho doogo fanne!» yitanni lallabbu. Yooseefi Gibitsete gobbara shoominohu kunni garinniiti.

ASTEERI 2:19

Hatte yannara Merdookiyoosira mootimmate qaera roorre uyineennasi no.

ASTEERI 2:21

Merdookiyoosi mootete qaera loosanni noo yannara, mootete minira waalchuwa agartannori Gebetanna Taara yinanni mureeyye moote Arxekisiisi shaate gano gantino.

ASTEERI 2:5

Hakkiicho Suusa Katamira Merdookiyoosi yinannihu mittu Ayihudichi no. Isi Biiniyaami ga're giddo ila Yaiiriho; Yaiiri Shimi"iho; Shimi"i Qiisiho.

ASTEERI 3:1

Shiima yanna gedensaanni, moote Arxekisiisi Haama yinanniha Agaagichu Hamedaata beetto gashshootisira aliidiha asse shoomi.

ASTEERI 3:3

Gashshootu mini loosira worroonniri wolootu gashshaano Merdookiyoosi, «Mootete hajajo mayira diigatto?» yitanni,

ASTEERI 3:5

Haamano Merdookiyoosi guluphe kumbuulannosikkita afihu gedensaanni lowo geeshsha hanqi.

ASTEERI 5:9

Haama jiluwiinni fule ha'ri woyite lowo geeshsha hagiidhenna hisate no. Ikkollana Merdookiyoosi mootete minira e'nanni waalchi mule ofolle nooha afi. Sae ha'ri woyiteno Merdookiyoosi ofollino darginni gotti yiinosikkitanna ayirrisinosikkita afe, lowo geeshsha hanqi.

FAARSO 15:4

Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

FULO 17:14

Kaaliiqi Muse, «Amaaleqootu taraare baattote aaninni co'o asse gudammoraatina, konne coye qaaggote maxaafira borreessi; Iyyaasurano kulisi» yii.

FULO 17:16

Qoleno, «Kaaliiqiha qeellete malaate gotti assitine amadde! Kaaliiqi Amaaleqoota hegere geeshsha qasanno» yii.

DAANIEELI 2:49

Daanieeli kuleenna Sidiraaqi, Misaaqinna Abidinaago Baabilooni awuraajjira gashshaano asse shoominsa. Daanieeli kayinni mootete mininni fafikkinni hee'ri.

MARRO 25:19

Magani'ne Kaaliiqi iqqa asse aanno'ne baatto gaangaawira noo diini baalunkunni fooliishshiishi'ne yannara, Amaaleqoota qaangannikki gede co'o assitine gudde. Konne coye horonta habbinoonte!

FILIPHISIYUSI SOKKA 2:10

Kunninni kainohunni, gordoho, baattotenna baattote woroonni noori baalu, Yesuusi su'mi ayirrinyira, guluphitanno.

UMI SAAMUEELI 15:3

Xa marte, Amaaleqoota qasi. Noonsare baala: Labbaaha, meyata, oosonna qaaqquulle, lalonna ge'reewo, gaalanna harre mittono gatisittokkinni co'o assite gudi› yiinohe» yiisi.