ASTEERI 3:13 - Qullaawa Maxaafa

¹³ Konne lallawa mootete gashshooti giddo noo gobba baala iillishanno gede rahe dodanno manna sonki. Kuni lallawi Adaari yinannihura tonaa layinki aganira tonaa sayikki barra Ayihude baala aja akkala, meya labbaaha, qaaqquullu nafa gatikkinni shine gundanni gede fushshinoonniho. Qolleno mararro nookkiha gorrine gunde jajjansa baalano saammanni gede hajanjoonniho.

ASTEERI 3:13 ပူးပေါင်းရင်းမြစ်များ

LAYINKI DUDUWO 30:6

Mootenna ledosi gashshaano sokkino sokka haa'rino manni Israeelenna Yihudu gobba baala ha'ri. Sokkano, «Israeelete manna! Asoori moote qafadowiinni gattinoonniri, Abirihaami, Yisihaaqinna Yaiqoobi Magani Kaaliiqiwa higginiro, isino ki'newa higanno.

ASTEERI 7:4

Borojjimmate hirammoommoro nafa ate diqarriseemmahe; xa kayinni kuneeti anenna gosa'ya co'o assine gorrine gundaraati!» yitu.

ASTEERI 8:5

«Baxattoehanna kaa'lattoeha ikkiro, qoleno yeemma coyi gara ikkironna maahoyye yaattoeha ikkiro gashshootikki giddo noo Ayihude baala co'o assine gundanni gede Agaagi sircho ikkinohu Hamadaata beetti Haama hajajino hajajo shaaranno lallawa fushshatto gede huucci'reemmahe.

ASTEERI 9:1

Adaari aganihu tonaa sayikki barri iilli. Hakku barri, Ayihudete diini umonsa kade uurrate mootete lallawa wonshara agadhe noo barraati. Ikkollana hakku coyi soorrameenna Ayihude insara iimaanni higgino.

ASTEERI 9:5

Kunni garinni Ayihude diinansa hasidhu gede assitu. Gibbannonsareno bisetenni doddolte shitu.

IYYOOBI 9:25

«Barri'ya dodanno manchinni roore ariiffatanno; mittu hagiirrino nookkiha xooqanno.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ERMIYAASI 51:31

Baabilooni Katami raga baala diigaminota, mootete kultara sokkaano hoode hoodete doddanni dagganno.

ROOMU SOKKA 3:15

Lekkansa manna shaate rakkannote;

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

UMI SAAMUEELI 15:3

Xa marte, Amaaleqoota qasi. Noonsare baala: Labbaaha, meyata, oosonna qaaqquulle, lalonna ge'reewo, gaalanna harre mittono gatisittokkinni co'o assite gudi› yiinohe» yiisi.

UMI SAAMUEELI 22:19

Qeesootu heedhannoha Noobi Katamano bagadunni gawajji. Hakko heedhannore labballonna meento, oosonna qaaqquulle, qoleno lalo, harrenna ge'reewo baalanka bagadunni gudi.