ASTEERI 2:9 - Qullaawa Maxaafa

⁹ Asteeri Hegayi hagiirsiissinosi; ikkitoseno baxissusi. Isino keeshshikkinni dancha sagale uyinannise gedenna xixxiimbanna biinfille lexxitanno gede assi. Doorroonni meenti hee'rannowa woyyino darga ee, mootete miniha soqqamannoseha 7 meento ledose wori.

ASTEERI 2:9 ပူးပေါင်းရင်းမြစ်များ

KALAQAMA 39:21

Kaaliiqi ledosi hee're, bagamannokki baxillinni towatanni, usuru mini roorrichi albaanni gaacheena uyisi.

KALAQAMA 39:4

baxe, gamba yiino soqqamaancho assi'risi; minisirano hajajaancho assisi; noosi jajja baalanka angasi wori.

UMI MOOTOOLLA 8:50

Cubbonsanna ate aana assitino sao baala agurinsa; diininsano mararannonsa gede assi.

IZIRA 7:6

Kuni Izira Baabilooninni kae Yerusaalame dayi. Isi Israeelete Magani Kaaliiqi Musera uyino seera seekke egennino rosiisaanchooti. Maganisi Kaaliiqi anga ledosi noo daafira, xa'mi'rinore baala moote fajjinosi.

NEHIMIYA 2:8

Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

ASTEERI 2:12

Meento mitto diro wo'ma biifinsanna keeshshino. Hakkuno uurrinsha suwe manninate biifanno gede umiha 6 agana kaarbetenninna zayitetenni xixxiimbanni; layinkihu 6 aganirano balisaami yinannitenni su'niitanno shittonni xixxiimbanni. Hakkunni gedensaanni mitte mittenti bado badotenni moote Arxekisiisiwa eanno gede assinanni.

ASTEERI 2:3

Gashshootikki giddo noo gobba baalate manna worteenna, xuma seenne doorte abbite Suusa Katamira meentikki hee'rannowa wortona. Insano abbine kunni minira murricha assootto mureessi Hegayi anga worre, xumille lexxanno gede assinona.

ASTEERI 5:2

Moote, mootitte Asteeri gobbaanni uurrite noota afe, baxannose daafira culkunnita siqqichosi ise widira qole akeeki. Iseno shiqqi yite culku siqqicho qacce kissu.

FAARSO 106:46

Gadadissannonsari baalu, marartannonsa gede assi.

LAWISHSHA 16:7

Kaaliiqi hagiirsiinsisiro, diinu ledo nafa keere hee'nanni gede assanno.

DAANIEELI 1:9

Maganuno Daanieeli kaa'lanno gede roorrichu wodana shaqqishi.

SOQQAMAASINETE LOOSO 7:10

Qarru baalunkunnino fushshe, Gibitsete moote Feriooni albaanni ayirrinyenna egenno uyinosi. Mooteno Gibitsetenna minisira baalaho hajajaancho assinosi.