ASTEERI 2:23 - Qullaawa Maxaafa

²³ Qorranni woyite kuni coyi adda ikkinota buunxi. Kunnira lamenka gano ganture dawete aana sunte shini. Mooteno konne coye mootimmate mini dhagge amaddino taje giddo borreessine worranni gede hajaji.

ASTEERI 2:23 ပူးပေါင်းရင်းမြစ်များ

KALAQAMA 40:19

Sasu barri giddo Feriooni usuru mininni fushshe, umokki mure haqqu aana sutannohe; maalakkino cea ittanno» yiisi.

KALAQAMA 40:22

Sagalete mini murricha kayinni sutamanno gede assi. Lamunku haaqee tiro Yooseefi yiino garinni wo'mitu.

IZIRA 4:15

Kunnira, annikki mine noota borrote taje lai; tajete giddono kuni katami addi-fula ikkinota, mootoollasinna gashshaanosi qarrissannota ikkitinota afatto. Alba diinge hunnoonnihuno kunni daafiraati.

ASTEERI 10:2

Isi assinoha wolqaataamonna dhaggete coye baala, qoleno Merdookiyoosi shoome ayirrado darga uyinosita Faarisinna Medooni mootoolla dhagge amaddino taje giddo borreessine worranni gede assinoonni.

ASTEERI 5:14

Kunnira galtesinna jaallasi baala, «Hojja 50 cigile ikkitannota haqqu dawe qixxeessite ga'a soodo Merdookiyoosi sutatto gede moote xa'ma hasiissannohe. Hakkunni gedensaanni hagiidhitanni jilaho ha'ratto» yitusi. Haamano tenne hedo baxe suntanni dawe qixxeessi.

ASTEERI 6:1

Hakko hashsha mootete goxano gibbeennasi mootimmate mini dhagge borreessinoonni taje haa'ne abbine nabbambannisi gede hajaji.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

IYYAASU 8:29

Gayi katami moote dawete aana sute reeshshasi hawarra geeshsha rarrae keeshshanno gede assi. Arrishsho e'anno yannara, reeshsha dawete aaninni dirrinse katama e'nanni xullichira tunganni gede assi. Aanasino lowo kinna duunni; hatti kinnate duuno, xaa geeshsha hakkiicho no.