ASTEERI 2:14 - Qullaawa Maxaafa

¹⁴ Mitte mittenta, hashsha mootete ledo galteenna soodo doorroonni meenti hee'rannowa wolu minira haa'ne massinanni. Hakkiicho mootenniha irkote meento agarannohu mureessu Sha"ashigaazi anga massine worranni. Moote baxe su'mase woshshe galagalte isiwa martanno gede xa'ma hoogiro layinkimeeshsho isiwa dishiqqanno.

ASTEERI 2:14 ပူးပေါင်းရင်းမြစ်များ

KALAQAMA 34:19

Sekeemi Yaiqoobi beetto baxino daafira, konne coye assate dikeeshshino; isi annisi mine noori baalunkunni roore wolqaataamoho.

ASTEERI 2:13

Dooramino meenti hee'ranno mininni fule mootete minira eanno woyite, hasi'rinore anga adhe ha'ranno.

ASTEERI 2:15

Kunni garinni Asteerirano mootenniwa martanno yanna iillituse. Wosiilise beetti Merdookiyoosi ilasi gede asse lossinoti Abihayili beetto Asteeri illete baxissannote. Iserano mootenniwa eate bado iillituseta, doorroonni meenti hee'ranno minira roorricha ikkinohu Hegayi kulinosere ikkinnina wolere adhite dihadhino.

ASTEERI 4:11

«Labbaahano ikko meyati, ayino woshshinikkinni mootete mini giddora eannoha ikkiro shinanni. Seeru konne ikkanna, mootete amaalaasinenni kayise wolu manni geeshsha konne coyeno afinokkihu mittuno dino. Seeru garinni hakkiira eanno woyite moote culku siqqicho isi widira qole akeekinohu callu reyotenni gatanno. Hakkunni aana, ani mootenniwa mare higummankunni sajjuu barri sainoe» yite dawarte Hataaki Merdookiyoosiwa sokku.

ISAYAASI 43:1

Xa kayinni kalaqino'nehu Kaaliiqi ki'ne Yaiqoobi sirchira Israeelete, «Wodoommo'nehu aneetina waajjitinoonte; ki'ne anereeti; su'mi'nenni woshshoommo'ne.

ISAYAASI 45:4

Doodhoommore manna'ya Israeele kaa'latto gede, ati ane egenna hoogittoro nafa su'mikkinni woshsheemmohe; ayirrado su'mano eemmohe.

MARRO 21:14

Baxisa hooggusiro ha'risosena. Ledose galino daafira borojjimmate kiiroonkese woy hiroonkesena, hasidhuwa hadhanno gede agurosena.