ASTEERI 1:6 - Qullaawa Maxaafa

⁶ Hakkonne caa'linanni darga waajjonna bule dukkonni biifinsoonni. Tenne dukko xiillitte heqonni usurre birrunni seekkinoonni qalawatera giddoonni qolle sayinsoonni siibba, calallaqu kinchi tuuqqa aana rarraansoonni. Culkunninna birrunni seekkinoonniti harammaadda daallassa waajjunna duumu, baqqalunna bulu daninni ille qaphi assannohunni calallaqu kinchinni biifinsoonni darga dirreenna no.

ASTEERI 1:6 ပူးပေါင်းရင်းမြစ်များ

ASTEERI 7:8

«Tenne saie» yaara hede mootitte Asteeri noo daallasi aana mare diriiri. Moote caalu haqqe giddonni galagale higanno woyite, tenne ikkito lae, «Kuni manchi mootimma'ya mine ille'ya la'anna mootitte galte'ya seyatara hasi'rino yaate!» yee hiddannaawe coyi'ri. Moote konne coye coyi'ranni hee'reennanni mureeyye dagge Haamara alba dibbu.

ASTEERI 8:15

Merdookiyoosi kuulaamenna waajjo mootete mini uddano uddi're, xiillicha kaabba aanaho ga'ne, xuma culku ba'latto umoho wodhe mootete mininni fuli. Mannuno hagiirrunninna ililleettetenni Suusa Katama milli assi.

FULO 26:1

«Ani galeemmowano fila heqonni gannoonnita bule, xiillittenna duume heqonni 10 dukko seekki; aanaho kirubeeli misilla goonde seekkinona.

HIZIQEELI 23:41

Biifino daallasinsara ofollino; ani oommonsari hixaanunna ejersu zayite gattukkinni, dancha coye baala albansaanni noo xarapheezzi aana dire worino.

AMOOTSI 2:8

Asale baata dandiitannokki buxane aaninni uddano amadote adhitanno. Kakkalo shiqishshanno darga baalawa hattenne uddano diphite goxxanno. Asalaasinete anganni murote adhitinota woyinete xajje abbite Maganinsa mine agganno.

AMOOTSI 3:12

Kaaliiqi lede, «Samaariyu giddo qawaaxxidhenna, la'mite heedhanno Israeelooti, boodu callu gattanno; hakkuno allaalaanchu doobbiichu afiinni gatisino cagi ge'rechonnihu ledo mittoho» yii.

AMOOTSI 6:4

Daaniichu hinkonni seesiinsoonni daallasira goxxinanni; ge'reewu wilii'lenna, lalu siitta ittinanni; haranchu daallasi aana gangalattinanni.

UMI SAAMUEELI 28:23

Isi qole, «Dee'ni di"iteemmo» yee giwi. Ledosi noo manni manchote kaa'le coyi'rita maahoyye yiinsa; baattote aanannino kae daallasu aana ofolli.