ASTEERI 1:3 - Qullaawa Maxaafa

³ Isi moohihunni sayikki diro amaalaasinesiranna ledosi gashshaano baalate lowo jila jilino. Hakko jilira Faarisinna Medooni gobbari olu hajajaano, awuraajjunna woradu gashshaasine baala daggino

ASTEERI 1:3 ပူးပေါင်းရင်းမြစ်များ

KALAQAMA 40:20

Hakku sayikki barri Ferioonira ilamino barra ikkino daafira, ledosi gashshaano baalantera jila jili. Feriooni woyinete xajje xorshannohanna sagalete mini murricha usuru mininni fushshiishe, ledosi gashshaano albira shiqqanno gede assi.

UMI MOOTOOLLA 3:15

Selemooni goxanotenni baqqi yii yannara, Kaaliiqi haaqeete daye hasaawisinosita wodanchi. Hakkunni gedensaanni galagale Yerusaalame hige, Kaaliiqi Taabooti albaanni uurre shilqonnitanna mittimmate kakkalo Kaaliiqira shiqishi. Ledosi gashshaano baalanterano jila jili.

IZIRA 1:2

Faarisi moote Qiroosi, «Gordu Magani Kaaliiqi gobba gosate gashshaancho assinoe. Qoleno Qullaawa Mine Yihudaho noo katamira Yerusaalamete mineemmosi gede hajajinoe.

ASTEERI 1:14

Wo'manka woyite moote amaaltannori Karsheena, Shetaari, Adimaata, Terseesi, Mereesi, Maarsenanna Memukaani yinanniri lamalunku, gashshootisi giddo qara darga amadde, Faarisinna Medooni gobba gashshitanno jajjabbaati.

ASTEERI 1:4

Moote jiro batidhinoha ayirradonna gaamaara mootete mine 6 agana wo'ma leellishinsa.

ASTEERI 2:18

Hakkunni gedensaanni moote, Asteeri ayirrinyira yee lowo jila jile ledosi gashshaanonna roorroota baala woshshi. Gashshootisi giddo noo gobba baalate ayyaana ayirrinsanni gede lallawi. Mootete afanshano beehi.

ASTEERI 3:7

Arxekisiisi moohihunni tonaa layinki diro, Nisaani yinannihura umi aganira Puriimi yinanni hixa tunge Ayihude gudate malloonni mali wo'mate injaanno aganinna barri hiikkonneetiro buunxanni gede hajaji. Hixu garinni Adaari yinannihu tonaa layinki agani eihunni tonaa sayikki barra ikkanno gede hirqini.

ISAYAASI 21:2

Waajjishshanno ajuuja leeltinoe: Ku'u ko'onne sayise hiranno; mulqi'rannohuno mulqi'ranno. Elaami Olanto! Fultine bala tugge! Medooni Olanto, Fultine katama doyisse! Kaaliiqi Baabilooninni kainohunni dayino qarra baala uurrisanno.

ERMIYAASI 51:11

Kaaliiqi Qullaawu Minisi daafira rabbisi'rate yee, Baabilooni huntanno gede Medooni mootoolla kayisino. Kunni daafira, maxxa'ne quxidhe; wonqo'ne amaxxe.

DAANIEELI 5:1

Belshaatsaari moohe noo waro mitto barra kumunni kiirranni ayirraddira lowo jila jili. Insa ledono woyinete xajje agi.

DAANIEELI 5:28

«Faareesi yaa, gashshootikki beehame Medooninna Faarisi mannira aamamino yaate» yee kulisi.

DAANIEELI 6:1

Daariyoosi gobba gashshitannore 120 gashshaano wori.

DAANIEELI 8:20

«Lame buuda afi'rinohu ge'rechu goci Medooninna Faarisi gashshoote leellishannoho.

MAARQOOSI 6:21

Heeroodisi, ilamino barra ayirrisara gashshootu roorroota, olantote hajajaanonna ayirradda Galiilu gobba manna jila jile woshshi; hatti yanna Heeroodiyaadara injo ikkituse.