ASTEERI 1:19 - Qullaawa Maxaafa

¹⁹ Moote, maahoyye yiittonkero, mootitte Asxiini kunni ka'a atewa daggara fajjinannisekkita egensiisanno lallawa fushshi. Konne coyeno Faarisinna Medooni seeri garinni soorramannokki gede assine berreessinona hajaji. Asxiini mootimma hoolte isewiinni woyyitannotera uyi.

ASTEERI 1:19 ပူးပေါင်းရင်းမြစ်များ

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

ASTEERI 1:18

Faarisinna Medooni gashshootira noo gashshaano meenti konne mootitte assitino shollinye macciishshiro techonni arrishsho e'ukkinni galtensara fenjeejjanno; gobba baalate noo meentino galtensa ayirrisa aguranno. Labballuno meentinsa ledo giwamaraati.

ASTEERI 1:21

Mootenna ledosi gashshaano baala tenne hedo hagiidhite baxxu. Mooteno Memukaani abbino mala haa're hakkawoyintenni yiino gede assi.

ASTEERI 2:1

Shiima yanna gedensaanni mootete hanqi qiideenna, mootitte Asxiini assitino coyenna isera yinoonni yoo daafira wodanisinni mali.

ASTEERI 3:9

Moote, tenne gosa shine gundanni gede lallawa fushshittoro woyyate. Hatto assittoro, gashshootikki haja kaa'late ikkanno gede 340,000 kiilo keenannoha kinchu birra abbe mootimmannihura miinju mine woreemmo» yii.

ASTEERI 8:5

«Baxattoehanna kaa'lattoeha ikkiro, qoleno yeemma coyi gara ikkironna maahoyye yaattoeha ikkiro gashshootikki giddo noo Ayihude baala co'o assine gundanni gede Agaagi sircho ikkinohu Hamadaata beetti Haama hajajino hajajo shaaranno lallawa fushshatto gede huucci'reemmahe.

ASTEERI 8:8

Ikkollana mootete maatama gannoonnihunna mootete su'minni lallamboonni lallawi disoorramanno. Ikkirono ki'ne hasidhinoonni coye Ayihudete borreesse; ane su'minni borreessitinihu gedensaanni mootimmate maatama aanaho ganne» yiinsa.

DAANIEELI 6:17

Balete afoono kinchunni cunfi; aye manchino Daanieeli fushshe gatisara wo'naalannokki gede moote gashshootisihanna ledosi gashshaano maatama aanaho gani.

UMI SAAMUEELI 15:28

Saamueelino, «Kaaliiqi Israeelete gashshoote techo ate anganni darino; atewiinni woyyannohura sayise uyino.