ASTEERI 1:12 - Qullaawa Maxaafa

¹² Ikkollana mootitte Asxiini kulloonniseta mootete sokka macciishshite isiwa didaggino. Kuni coyi moote lowo geeshsha hanqisisi.

ASTEERI 1:12 ပူးပေါင်းရင်းမြစ်များ

KALAQAMA 3:16

Manchono, «Godowatta yannara, qarrakki lowo geeshsha batiseemmo; qarrunni ilatta; kuni ikke hee'reennanni, ayiddaannakki yora diaguratta; isino gashshannoheha ikkanno» yiise.

ASTEERI 1:11

«Mootitte Asxiini mootimmate mini imaana uddidhe ayirrinyu ba'latto umoho wodhite kawiira dagganno gede asse» yee hajajinsa. Moote hatto assinohu, mootitte Asxiini lowo geeshsha xuma ikkitino daafira ledosi gashshaanoranna wosina baalaho leellishara hasi'reeti.

ASTEERI 1:13

Seerunna budu hajara, hayyoole mala xa'ma mootete roso ikkitinohura, hatte yannara ma"assa hasiisannoro mala uyitannosi gede amaalaasinesi woshshiishi.

ASTEERI 7:7

Mooteno lowo geeshsha hanqe, jilu aaninni agure fule mootete mini haqqe caalunnitewa ha'ri. Moote kunni coyira busha hedinosita Haama afe, lubbo gatisi'rate mootitte Asteerira eegamara badhe hige gati.

FAARSO 74:1

Magano! Horonta mayira agurittonke? Qanchikki ge'reewira hanqikki mayira buwi?

FAARSO 79:5

Kaaliiqa, Hegerera hanqoottonke gedeennilla hee'ratto? Laalakkino giirate gede bubbino gedeennilla heedhanno?

FULO 32:19

Yiintenni gede qacha mare iillanni hee'renni, siitonna sirba lae lowo geeshsha aarami. Haa're abbinota lamenta boncoonni kinnano ilaalu hunda ole cancani.

FULO 32:22

Aaroonino daware, «Mooticha'ya anera hanqitootie; kuni manni bunshe assate murci'rinoha ikkinota ati afootto.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

LAWISHSHA 20:2

Mootete hanqi doobbiichu ittana gedeeho; iso hanqisanno manchi lubbosira reyo abbi'ranno.

DAANIEELI 2:12

Hatte yannara moote lowo geeshsha hanqe Baabilooni heedhanno hayyoole baala shinanni gede hajaji.

DAANIEELI 3:13

Moote konne coye macciishshe lowo geeshsha buwe hanqe Sidiraaqi, Misaaqinna Abidinaago abbinanni gede hajaji.

DAANIEELI 3:19

Hatte yannara Nabukadanatsoori Sidiraaqi, Misaaqinna Abidinaagora lowo geeshsha buwe hanqeenna albisi kolishshi'ri. Kunnira, giira albinni roore 7 ero bubbanno gede hajaji.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

EFESOONI SOKKA 5:22

Minu amuuwa! Mootichu Yesuusira hajajantinanni gede, minaanni'nerano hajajantinannire ikke.

EFESOONI SOKKA 5:24

Beetekiristaane Kiristoosira hajajantannonte gede, mini amuuwino baalunku coyinni minaanninsara hajajamannore ikko.

MARRO 29:20

Kaaliiqi konne mancho dimaaranno. Giirannoha hanqosi isi aana bushshanno. Kunni maxaafira borreessinoonni rumo baalanti aanasi dirritanno. Kaaliiqino su'masi baattote aaninni co'o asse hunanno.

UMI PHEEXIROOSI 3:1

Ki'ne meentu, galte'nera hajajamme! Kunni garinni mitu mitu Maganu qaale ammana hooggurono, qaale affukkinni meentinsa amanyoote la'e tenne heeshshowa gamba yaa dandiitanno.