AMOOTSI 9:7 - Qullaawa Maxaafa

⁷ Kaaliiqi, «Israeelete manna! Ki'ne anera Itiyophiyu manni gedeere di"ikkitinoonni? Ki'ne Gibitsete gobbanni fushshummonte gede, Filisxeemete manna Kereetinni, Sooriyu mannano Qiiri gobbanni fushshoommo.

AMOOTSI 9:7 ပူးပေါင်းရင်းမြစ်များ

LAYINKI MOOTOOLLA 16:9

Asoori mooteno, Akaazi yiinore macciishshe gaade mare, Demaasiqo qase qoli. Moote Retsiinino shee mannano qafade Qiiri yinanni katama haa're ha'ri.

LAYINKI DUDUWO 14:12

Kaaliiqino Itiyophiyoota qeeltanno gede Aasanna Yihudu olanto kaa'linsa. Itiyophiyootuno xooqqu.

LAYINKI DUDUWO 14:9

Zaara yinanni Itiyophiyichi 1,000,000 olantonna 300 faradi gaare adhe Yihuda qasara Maaresha yinanni katami geeshsha dayi.

FULO 12:51

Hakko barra, Kaaliiqi Israeelete manna ga're ga'rentenni Gibitsete gobbanni haa're fushshi.

ISAYAASI 20:4

Asoori mooteno Gibitse saalfattanno gede insahanna Itiyophiyu manna uddano uddi'rikkinninna lekkate koatte wodhikkinni mulloota haa're ha'ranno.

ISAYAASI 22:6

Elaami gobba manni faradi gaaretenna faradu aana ofolle, digaananna worbicho anga adhe dayi; Qiiri gaaddo wonqonsa qixxeessidhu.

ISAYAASI 43:3

Ani Israeelete Qullaawi Magani'ne Kaaliiqi gatisaancho'neeti; ki'ne wodate yee, Gibitse Itiyophiyanna Saaba diininsara sayise eemmo.

ERMIYAASI 13:23

Halaalinta Itiyophiyichu danasi, woy dagunchu muraamurrimmasi soorri'ra dandaannoni? Ki'neno rossinoonni bunshe agurranna, danchumma assitine affinannini?

ERMIYAASI 47:4

Kuni ikkannohuno, Filisxeeme ba'annoti yanna daggino daafiraati. Reyotenni gatte Xiroosinna Sidoona kaa'litannori baalu, murantanno yanna iillitino. Ani Kaaliiqi, Kereeti Giddichonni dagginore, Filisxeemete ga're baala gudeemmo.

HOOSEI 12:13

Kaaliiqi soyino himanaanchi widoonni qole Israeelete manna Gibitsetenni massage fushshino. Hakkunni himanaanchi widoonni qoleno towatinonsa.

AMOOTSI 1:5

Demaasiqote Katami huxxi cufanna baala hiiqqaqqeemmo. Aweeni Lagichira hee'ranno manna shorreemmo. Gashshaanchonsano Beeti-Edeninni huneemmo. Sooriyu mannino Qiiri yinanni gobba qafadame ha'ranno» yii.

AMOOTSI 2:10

Gibitsete gobbanni fushshe 40 diro wo'ma halallitte gobbara massagoommo'ne. Amooraawootu baattono ki'nera iqqa asse oommo'ne.

MARRO 2:23

Kereeti yinanni giddichonni dagginori Gaazu geeshsha noo qachuwara heedhanno Awiimoota hunte gobbansa baalanta adhite hakkiicho heedhino.)