AMOOTSI 9:5 - Qullaawa Maxaafa

⁵ Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

AMOOTSI 9:5 ပူးပေါင်းရင်းမြစ်များ

FAARSO 104:32

Isi baatto la"anno; iseno huxidhanno; ilaalla kisanno; insano wiliiltanno.

FAARSO 144:5

Kaaliiqa, gordo darte dirri; wiliiltanno gede, ilaalla kisi.

FAARSO 32:6

Kunnira, qarru lolahi iillannonsakki gede, keeraano baala yanna heedheenna, ate huuccidho.

FAARSO 46:6

Daga waajjite raartu; gashshootuwano huxidhu; Maganu qoonqosi macciishshiishi woyite baattono daaqqu.

FAARSO 97:5

Baatto baalate Mootichi, Kaaliiqi albaanni, ilaalla gagate gede daaqqanno.

ISAYAASI 64:1

Gordo darte mayira dirra giwitto? Ilaallano ate waajjite huxidhoommero maaho!

ERMIYAASI 12:4

«Assineemmore Kaaliiqi diafino» yaannohunni, bushu tenne gobbara hee'ranno manninni kainohunni, baattonke kooaartannohu, hayisso mooltannonna, saada gooffannohu mamari geeshshaati?

HOOSEI 4:3

Kunninni kainohunni baattote aana moolle dagganno. Aanase hee'rannori baalu goofanno. Saada ceanna baaru giddo qulxu'mi baalu reyanno» yiino.

AMOOTSI 8:8

Kunni coyira baatto shafantanno; hatte gobbara hee'rannohu baalu wi'lanno; Abbayi Wayi wo'me iima hige kae galagale dirrannonte gede, gobba gudisante tenqe yitanno.

NAHOOMI 1:5

Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

MAATEWOOSI 7:27

Xeena gani; lolahuno dayi; bubbeno bubbisse hakkonne mine xiibbu. Minuno hakkawoyintenni uwi; uwasino lowo geeshsha jaddonnite» yii.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.