AMOOTSI 9:15 - Qullaawa Maxaafa

¹⁵ Manna'ya Israeele oommonsa baatto aana kaaseemmo; layinkimeeshsho hakkiinni dibuqqisantanno. Konne coye coyi'roommohu ani Kaaliiqi Magano'neeti» yii.

AMOOTSI 9:15 ပူးပေါင်းရင်းမြစ်များ

FAARSO 44:2

Ati daga baattonsa aaninni shorrite, ate manna baattonsara worootto; wole gosa qorichishshe, mannakki kayinni qawaaxxisootto.

FAARSO 80:8

Gibitsetenni woyinete kaashsho abbootto; daga shorrite hunte ise kaasootto.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ERMIYAASI 16:15

Hatto yaa agurre akaakkansara oommo gobba qoleemmonsa daafira, ‹Israeelete manna aliyyenninna billaallisinonsa gobba baalatenni fushshinohu Heeshshote Kaaliiqi lao!› yinanni» yii.

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 24:6

Gawajjantannokki gede towateemmonsa; mineemmonsata ikkinnina didiigeemmonsa; kaaseemmonsata ikkinnina dibuqqiseemmonsa.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

ERMIYAASI 32:15

Ani Israeelete Magani Olantote Mootichi Kaaliiqi, mannu tenne baattora mine, loosi'nanni baattonna woyine kaasi'nanni baatto hidhanno barri daanno yiino» yoommo.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

ERMIYAASI 33:7

Yihudunna Israeelete manna qafadotewiinni qoleemmo; albi gede asseno uurriseemmonsa.

HIZIQEELI 34:28

Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

HIZIQEELI 37:21

Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HIZIQEELI 37:25

Soqqamaanchi'ya Yaiqoobira oommositeranna akaakkansa heedhino baattora heedhanno; insanna oosonsa, sirchinsa baalu hatte gobbara hegere geeshsha heedhanno. Soqqamaanchi'ya Daawiti gedee moote hegere geeshsha gashshannonsa.

IYUEELI 3:20

Xaa geeshsha rabba qolummonsakkinni keeshshoommori daafira, beebba assitannore rabbiseemmo. Yihudanna Yerusaalame kayinni, hegerera manni'ya hee'rannowa asseemmo. Ani Kaaliiqino Tsiyooni Ilaali aana hee'reemmo» yaanno.

MIKIYAASI 4:4

Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.