AMOOTSI 9:14 - Qullaawa Maxaafa

¹⁴ Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

AMOOTSI 9:14 ပူးပေါင်းရင်းမြစ်များ

FAARSO 107:37

Gate gide wixidhu; woyinete haqqeno kaasidhu; lowo jajjano gamba assidhu.

FAARSO 53:6

Israeelete gato Tsiyooninni daggoommero maaho! Maganu qafadonsa qolanno yannara, Yaiqoobi mini lowo geeshsha hagiidhanno.

ISAYAASI 60:4

«Haxo gotti yite qooxeessikkira noo ikkito lai; baalunku gamba yite atewa dagganno. Labballiti oosokki xeertote gobbanni higganno; seennekkino bayi'ne haa'ne abbinanni.

ISAYAASI 61:4

Kuri seedu dirira albaanni diigantino katamma, galagalchite mintanno.

ISAYAASI 65:21

Manni'ya, mine mi'ne hee'ranno; woyineno kaasi're laalose itanno.

ERMIYAASI 12:15

Tenne gosa buqqisummohu gedensaanni, galagale marareemmonsa; mitto mittonka iqqisiwanna gobbasiwa qoleemmo.

ERMIYAASI 16:15

Hatto yaa agurre akaakkansara oommo gobba qoleemmonsa daafira, ‹Israeelete manna aliyyenninna billaallisinonsa gobba baalatenni fushshinohu Heeshshote Kaaliiqi lao!› yinanni» yii.

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 24:6

Gawajjantannokki gede towateemmonsa; mineemmonsata ikkinnina didiigeemmonsa; kaaseemmonsata ikkinnina dibuqqiseemmonsa.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:23

Israeelete Magani Olantote Mootichi Kaaliiqi, «Manna'ya gobbansa qoleemmo waro Yihudahonna katammansara hee'ranno manni, ‹Kaaliiqi hee'rannohu Qullaawu Ilaali maassamo› yaanno» yii.

ERMIYAASI 31:28

Buqqisummonsa, diigummonsa, galchummonsa, hunummonsannna gudummonsante gede, galagalche kaase dhaaweemmonsa. Konne coye coyi'roommohu ani Kaaliiqaati.

ERMIYAASI 31:5

Galagalte Samaariyu gaarrara woyinete kaashsho kaasi'ratta; kaasi'rino mannino laalose gudhanno.

ERMIYAASI 32:15

Ani Israeelete Magani Olantote Mootichi Kaaliiqi, mannu tenne baattora mine, loosi'nanni baattonna woyine kaasi'nanni baatto hidhanno barri daanno yiino» yoommo.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

ERMIYAASI 33:7

Yihudunna Israeelete manna qafadotewiinni qoleemmo; albi gede asseno uurriseemmonsa.

HIZIQEELI 16:53

Kaaliiqi Yerusaalame, «Soddoomanna seennese, Samaariyanna seennese, galagale duroonseemmo yannara, ateno duroonseemmohe.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HIZIQEELI 37:21

Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

SOFFOONIYAASI 1:13

Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.

SOFFOONIYAASI 2:7

Qafadotewiinni gatinohu Yihudu manni baatto'ne ragi're saada hosiisi'rannowa assi'ranno; Asiqeloonaho nootera minnansara galanno. Kaaliiqi Maganinsano towatannonsa; qafadaminonsare baala daware riqiwannonsa.