AMOOTSI 9:13 - Qullaawa Maxaafa

¹³ Kaaliiqi lede, «Gide murre gundikkinni, loosi'nanni yanna dagganno; woyinete laalo huuncine gundikkinni, woyine kaansanni yanna dagganno. Hatta yannara ilaalla, coommitannota haaro woyinete xajje fushshitanno; tulluwate aanano woyinete xajje lolakkanno.

AMOOTSI 9:13 ပူးပေါင်းရင်းမြစ်များ

KALAQAMA 49:11

Ati harrichokki woyinete damattera, ilmichokkino woyinete sinira usudhatto. Uddanokki woyinete xajjenni, seemmakkino duume mundee labbanno huuncamenni hayishshi'ratto.

FAARSO 97:5

Baatto baalate Mootichi, Kaaliiqi albaanni, ilaalla gagate gede daaqqanno.

ISAYAASI 16:10

Woyinete kaashshi giddo hagiidhannohu mittuno dihee'ranno; ililleettenna faarso dimacciishshinanni. Angannita woyinete xajje huuncannohu dihee'ranno; hagiirru ililleetteno diheedhanno.

ISAYAASI 55:13

Utu bayicho hoomme, qu'muudote darga uddo fultanno. Kunino ane Kaaliiqi albaanni, hegerera hambannikkiha qaaggote malaate ikkanno» yii.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

IYUEELI 2:24

Ayiddummete gidu wo'manno; haaro woyinete xajjenna ejersu zayite, huuncinanni kooffichuwara wo'mite lolakkanno.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

IYUEELI 3:20

Xaa geeshsha rabba qolummonsakkinni keeshshoommori daafira, beebba assitannore rabbiseemmo. Yihudanna Yerusaalame kayinni, hegerera manni'ya hee'rannowa asseemmo. Ani Kaaliiqino Tsiyooni Ilaali aana hee'reemmo» yaanno.

LEEWAAWOOTA 26:5

Gide ga'nitinanni heedhineennanni, woyinete laalo gudhitinanni yanna iillitanno; woyinete laalono gudhitinanni heedhineennanni, gide gamba assidhinanni yanna iillitanno; sagale duubbina geeshsha ittinanni; baatto'ne aana harshammi yitine heedhinanni.

AMOOTSI 9:5

Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

YOHAANNISI 4:35

Ki'ne kayinni, ‹Shoolu agani gedensaanni gide gamba assi'nanni yanna iillitanno› diyitinanni? Ani kuleemmo'nena ille'nenni la'e! Gidu laalino; gamba assateno iillino.

EJJEETTO 5:5

Siina, Kaaliiqi albaanni ilaalla huxidhu; Israeelete Magani Kaaliiqi albaanni shafantu.