AMOOTSI 9:10 - Qullaawa Maxaafa

¹⁰ ‹Mittuno bushu coyi di"iillannonke woy diamadannonke› yitanni, manni'ya giddo boo'nitanno cubbaataammi baalu olu giddo reyitanno» yii.

AMOOTSI 9:10 ပူးပေါင်းရင်းမြစ်များ

FAARSO 10:11

Bushu manchi wodanisinni, «Maganu assannoeri dino; la"annoekki gede alba shawwu yiino» yaanno.

ROSIISAANCHO 8:11

Mannu isi, bunshe mayira loosanno? Diwoleteetina, bunshe loossinore ranke qorichisha hoongeennaati.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ISAYAASI 5:19

«Hanni la'neemmona Kaaliiqi assannore rahe diassannoyya? Hanni anfeemmona Israeelete qullaawa ikkinohu hedinore rahe assossiyya!» yitinannirira baalaho aanne'e!

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

ERMIYAASI 23:17

Ani yoommore macciishshitannokkirira, ‹Keerella heedhinanni!› yitanno. Ani yoommo gede ikkitannokkirirano, ‹Qarru diamadanno'ne!› yite kultanno.

ERMIYAASI 29:32

Kunnira, ani Kaaliiqi Shemiyanna sirchosi qorichisheemmo. Manni'yara asseemmoha dancha coye afate sirchisi giddonni gatannohu dihee'ranno› yite layinki sokka soyi. Konne coye coyi'roommohu ani Kaaliiqaati» yii.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

AMOOTSI 6:3

Ki'ne, «Bushu barri rahe didaanno» yitine heddine barshe loossinanni.

AMOOTSI 9:8

Olantote Mootichi ani Kaaliiqi, haxawarra Israeelete gashshoote illaallise laeemmo; insano gobbate aaninni huneemmo; ikkirono, Yaiqoobi sircho co'o asse digudeemmo.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

MILKIYAASI 3:15

Kunni ka'a boonaleeyye, ‹Baraadhinoreeti› yineemmo. Kune insa hagiidhite heedhanno. Bunshe assitannori jiro afi'ratenni sa'e Magano jiffanno; isino diqorichishinonsa» yitinoonni.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.