AMOOTSI 8:9 - Qullaawa Maxaafa

⁹ Arrishsho barru taalootira e'anno yanna dagganno; baatto barra tunsitanno gede asseemmo.

AMOOTSI 8:9 ပူးပေါင်းရင်းမြစ်များ

IYYOOBI 5:14

Barru tunsannonsa; hashshi gede barru taalootira, ka'anna kawa raataabbanno.

ISAYAASI 13:10

Mitte mittentinna mittowa tuuddino beeddaheno dixabbanno; arrishshono fultanni heedhenni xo'anno; aganuno dixawanno.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 15:9

Lamala ooso shiidhino ama, daaqqe foole qo'la hoogganno; barru hashsha ikkannose. Saalunna shollinyu amadannose; lubbotenni heedhinoonnireno, bagadu gudanno'ne gede asseemmo. Konne coye coyi'roommohu ani Kaaliiqaati» yiie.

HIZIQEELI 32:7

Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

AMOOTSI 5:8

Piliyaadisi yinannire 7 beeddahenna, Ooriyooni yinanni beeddahe, hubbo hubbo asse kalaqinohu Maganoho. Hashsha barraho, barra hashshaho soorrannohu, baaru waa gordu iimira fushshe, galagalche baattote aana lolaasannohu, wolqaataammanna qiishonsa buluulo assannohu isooti. Su'misino Kaaliiqaati.

MIKIYAASI 3:6

«Barru hashsha ikkanno'ne; arrishsho e'eenna daanno tunsichi amadanno'ne. Manna'ya so'risiissinoonni daafira, xaate kunni ka'a ajuuja dileeltanno'ne; himanano dicoyidhinanni» yiinsa.

ZAKKAARIYAASI 14:7

Hakku barri xawaabba agurranna tunsichu dihee'rannoho; kuni ikkannohu mamooteetiro Kaaliiqi egennino.

MAATEWOOSI 24:29

Yesuusi lede, «Hattenne qarru barrubba gedensaanni hakkawoyintenni, arrishsho tunsitanno; aganuno dixawanno. Beeddahe gordunni giggiltanno; gordu wolqubbano shafantanno.

MAATEWOOSI 27:45

Barra lee saatenni kayise honse saate geeshsha baatto baala tunsitu.

MAARQOOSI 15:33

Barrunni lee saatenni kayise honse saate geeshsha baatto baala tunsitu.

LUQAASI 23:44

Kuni ikkinohu barrunni lee saate ikkanno hedoraati; hatte yannanni kayisse honse saate geeshsha baatto baala tunsitu.

YOHAANNIS AJUUJA 6:12

Leelki sumuda tiri woyiteno laummo. Hatte yannara baatto milli yitu; arrishshono xitu gede kolishshidhu; aganuno co'o yee mundeete gede duu'mi.

YOHAANNIS AJUUJA 8:12

Shoolki sokkaasinchino xurumba ufuufi. Arrishsho sayikki anga, aganu sayikki anga, beeddaheno sayikki anga ganantu. Kunnira, insatino sayikki anga tunsitu. Kunni garinni barru giddonni sayikki anga, hashshuno sayikki anga tunsi.