AMOOTSI 8:7 - Qullaawa Maxaafa

⁷ Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.

AMOOTSI 8:7 ပူးပေါင်းရင်းမြစ်များ

IYYOOBI 24:23

Maganu keerunni heedhanno gede fajjinsaro nafa, hadhanno doogo seekke illaallisanno.

FAARSO 10:11

Bushu manchi wodanisinni, «Maganu assannoeri dino; la"annoekki gede alba shawwu yiino» yaanno.

FAARSO 47:4

Ragi'neemmo baattono doorinonke; ninke ku'lineemmotino iseeti; ninkeno baxannonke mannasiiti.

FAARSO 47:5

Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

FAARSO 68:34

Israeelete aana Gaacheena afi'rinohunnita, gordoho wolqasi leellishannohunnita, Maganu wolqa dudubbe.

FULO 17:16

Qoleno, «Kaaliiqiha qeellete malaate gotti assitine amadde! Kaaliiqi Amaaleqoota hegere geeshsha qasanno» yii.

ISAYAASI 22:14

Olantote Mootichi Kaaliiqi, «Lubbotenni noo geeshsha tini saonsa digurantanno. Konne coye coyi'roommohu ani Olantote Mootichi Kaaliiqaati» yee kulie.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ERMIYAASI 17:1

Kaaliiqi, «Yihudu manna! Cubbi'ne aani'nenni diho'lannoho. Kinchu aana borreessinoonnihu gede, wodani'neranna kakkalote buudda aana siwiilu kuulinni borreessamino.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

ERMIYAASI 44:21

«Ki'nenna akaakka'ne, mootoolla'nenna roorrooti'ne, qoleno baatto'nera hee'ranno manni baalu Yihudu katammaranna Yerusaalamete dooggara hixaana giirtinita Kaaliiqi diafino yitineetinso hawinoha laweenna'neeti?

HOOSEI 7:2

Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

AMOOTSI 4:2

Kunnira Mootichu Kaaliiqi qullaawa ikkasinni, «Ki'ne baalunku qarawunni amande, goshoonshanni qulxu'mi gede ikkitinanni barri daanno.

AMOOTSI 6:8

Wo'manka Dandaannohu Mootichu Kaaliiqi, «Israeelete manni naaxxa giwisinoe; qinaado minna'neno tiyyi'roommo. Kunnira katamanna, katamu giddo heedhannore baala, diinaho sayise eemmo» yee su'misinni xaarino.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.