AMOOTSI 8:5 - Qullaawa Maxaafa

⁵ Ki'ne, «Gidenke hirreemmo gede, tini Aganu Leellanno Ayyaanna, mayi rakke sa'a! Hiranna hidha dandiineemmo gede, kuni Fooliishshote Barri mayi rahe sa"a! Tini ayyaanna sa'oommero, gideho safaraasincho ajinshe, woxe naggi assine adhineemmohu baino; hanaaqu keenaasinchinni manna dongeemmohu gatino.

AMOOTSI 8:5 ပူးပေါင်းရင်းမြစ်များ

LAYINKI MOOTOOLLA 4:23

Ayiddaannise qole, «Techo Aganu Leellinohanna Fooliishshote Barri Ayyaana di"ikkinona mayira ha'ratta?» yiise. Iseno qolte, «Qarru dinona agari!» yitu.

FULO 31:13

Israeelete mannira, « ‹Ani Kaaliiqi ki'ne manna'ya assi'roommota egensiisate hegere malaate ikkara oommoha Fooliishshote Barra ayirrisse.

LAWISHSHA 11:1

Kaaliiqi hanaaqu keenaasincho giwanno; taalo keenaasincho kayinni baxanno.

LAWISHSHA 16:11

Kaaliiqi, safaraasinchunna keenaasinchu taalannota baxanno; isi taalu bikkaasinchinni dikki'nannita hasi'ranno.

LAWISHSHA 20:23

Kaaliiqi hanaaqu keenaasinchonna, taalinokki safaraasincho giwanno.

ISAYAASI 1:13

Kunni ka'a togoota haafu kakkalo shiqishshinoonte. Giirtinanni hixaani diqachishannoho. Aganu Leellanno Ayyaani, Fooliishshote Barrinna Ayyaanaame Gambo'ne cubbi'nenni gara ba'ino daafira caaqqi yeeno dilaeemmo.

ISAYAASI 58:13

Kaaliiqi, «Fooliishshote Barra umi'ne doogo ha'ra agurtine ayirrissiniro, umi'ne hasatto calla wonshanna haafare coyi'ra agurtiniro, Fooliishshote Barra hagiirrunniha assidhinironna, Qullaawa Barra'ya ayirrissiniro,

HOOSEI 12:7

Kaaliiqi, «Israeelete manni Kana"aanootu gede hexxinannikkiha ikkino; kaphu keenaasinchinni manna doganno.

HOOSEI 12:8

Insa, ‹Ninke dureeyye ikkinoommo; lowo jirono gamba assi'noommo. Duroo'mitinohu doogimaletenniiti yee sao aananke afannohu dino› yitanno.

LEEWAAWOOTA 19:36

Halaalaanchu bikkaasinchi, halaalaanchu safaraasinchinna halaalaanchu keenaasinchi heero'ne. Gibitsete gobbanni fushshoommo'nehu ani Kaaliiqi Magano'neeti.

ZAKKAARIYAASI 5:6

Anino, «Hakku daannohu maati?» yee xa'mummo. Isino, «Safarranni gimboolaati; kunino baatto baalate aana loonsanni hee'noonni cubbo leellishannoho» yiie.

ZAKKAARIYAASI 5:8

Sokkaasinchuno, «Tini mancho bunshete lawishshaati» yiiehu gedensaanni, mancho woro qole xiiwe tuana daware tui.

MILKIYAASI 1:13

Qoltineno, ‹Kuni mayi qarraati!› yitinanni ceeggifattinoonni. Kakkalo'ya darga mishshinoonni. Kakkalote moorroonnita, dhiwantinotanna naaffino saada abbitinanni. Hattoo kakkalo ani Olantote Mootichi Kaaliiqi anga'nenni adheemmoha lawanno'neni?

KIIRO 10:10

Qoltineno hagiirri'ne barra: Aganu Leellannoteranna wole hirqinoonni ayyaannara, shilqote kakkalonna mittimmate kakkalo shiqishshinanni yannara xurumbuwa ufuuffe. Konne macciishsheemmo woyite qaageemmo'ne. Ani Kaaliiqi Magano'neeti» yii.

QOLASIYAASI SOKKA 2:16

Kunni ka'a itunni woy agunni, ayyaanna woy aganu fulanno ayyaana woy Fooliishshote Barra ayirrisate daafira ayino bushiishoonke'ne.

UMI SAAMUEELI 20:5

Daawitino, «Ga'a Aganu Leellanno Ayyaana ikkino daafira, mootete ledo sagale ita hasiissannoe; ati fajjittoero kayinni oyimbarri hawarro geeshsha maaxameemmo.