AMOOTSI 8:2 - Qullaawa Maxaafa

² Kaaliiqino, «Kuni la'anni noottohu maati?» yee xa'mie. Anino, «Le'ino laalo wo'mitino gimboola la"anni noommo» yoommo. Kaaliiqi qole, «Manni'ya Israeelete goofimarchu iillino. Kunni ka'a insa qorichishummokkinni diagureemmo.

AMOOTSI 8:2 ပူးပေါင်းရင်းမြစ်များ

KALAQAMA 6:13

Maganu Nohira, «Mannu sircho baattote aaninni hunammora murci'roommo; insanni kainohunni baattote barshu wo'minona, ani kuneeti baattote aana noo kalaqama baala huneemmo.

ISAYAASI 28:4

Shaqqadu lagichira iimaanni noohu Samaariyu Katami rahotenni ayirrinyesi hooganno. Isino giggiltanno daraaronna umo iilliteenna xinqine intanni haqqicho laalo gede ikkanno.

ERMIYAASI 40:10

Anino, ki'ne afoo ikke Baabiloonootu ledo hasaawate konne Mitsipha ledo'ne hee'reemmo. Ki'ne kayinni woyinete hunduruurro, ejersu zayitenna wole laalo gamba assidhine duu'nitinanni konne amaxxitinoonni katammara heedhe» yiinsa.

ERMIYAASI 5:31

Himanaano kaphu himana coyidhanno; qeesootuno insa yiture assitanno; manni'yano insa yitannore baxanno. Qarru daanno barra kaa'lote mamira martannoyya?» yii.

ERMIYAASI QURTO 4:18

Doogo ha'ra dandiineemmokki gede, diininke illaallisanni millo ho'linonke. Dirinke goofino; goofimarchinkeno iillino.

HIZIQEELI 12:23

Ani Mootichu Kaaliiqi kunni daafira yeemmore kulinsa; kuni maammaashshi kawiinni sa"annokki gede asseemmo. Layinkimeeshsho Israeelete gobbara tenne dimaammaankanni. Hattenne agurte, ‹Kuneeti yanna iillitino; himanu baalu wo'maraati!› yite kulinsa.

HIZIQEELI 29:8

Kunnira, Ani Mootichu Kaaliiqi, bala tuggannohe bagadaano soyemmo. Insano mannakkinna saadakki baala guddanno.

HIZIQEELI 3:10

Qoleno, «Koo manchi beetto, kuleemmohere baala seekkite wodanchi.

HIZIQEELI 3:7

Israeelete manni giddo kayinni, macciishshannohehu mittu nafa dihee'ranno. Baalunku mokkookkootanna wodana xillitinore ikkitinohura, ati yaattota agurina ani yeemmota nafa dimacciishshitanno.

HIZIQEELI 7:6

Baalunku coyi goofino; tini ki'nera jibbaataho; ki'neri kaino.

HIZIQEELI 8:12

Maganuno, «Koo manchi beetto, Israeelete geerri maaxante assitannore afitto? Misilla wo'mitino holge e'e kumbuultanno. Qolteno, ‹Kaaliiqi diafannonke; gobbankeno horonta facci asse agurino› yitanno» yiie.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

HIZIQEELI 8:6

Maganuno, «Koo manchi beetto, ikkanni noo coye baala laitto? Israeelete manni konne assanni nooha tiyyi'nanni coye lai. Togo assansanni Qullaawu Dargi'yanni fafeemmo gede assitinoe. Kawiinni roorinoha lowo geeshsha saalsiisanno coye xaanni la"atto» yiie.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

AMOOTSI 7:8

Qoleno, «Amootsi! Maricho la'anni nootto?» yee xa'minoe. Anino, «Tumbe la"anni noommo» yoommo. Kaaliiqino, «Manni'ya Israeele taashshine huxxinoonnikki huxxi gede ikke shokkinota tenne tumbenni leellisheemmo. Kunni ka'a insa qorichisha diagureemmo.

AMOOTSI 8:1

Mootichu Kaaliiqi wole ajuujano leellishinoe. Anino le'ino laalo wo'mitino gimboola afoommo.

MIKIYAASI 7:1

Ani laalo xinqi'nihu gedensaanni gatino xaro yorannoha ikkoommo; hakkunni dinona anera aanne'e.

ZAKKAARIYAASI 5:2

Sokkaasinchuno, «Maa la'anni nootto?» yee xa'mie. Anino, «Hojja 20 cigile, godowa 10 cigile ikkitinoti 1 borreessinoonniti gogu xaaxo iima buubbanna la"anni noommo» yoommo.