AMOOTSI 8:11 - Qullaawa Maxaafa

¹¹ Olantote Mootichi Kaaliiqi, «Baattote aanira hude abbeemmo yanna dagganno; hatti hudeno Kaaliiqi qaalite ikkinnina, sagalennitanna wayi goo'rota di"ikkitino.

AMOOTSI 8:11 ပူးပေါင်းရင်းမြစ်များ

LAYINKI DUDUWO 15:3

Israeelete manni lowo yanna halaalaancho Magano agure, seerunna rosiisanno qeesichi nookkiha hee'rino.

FAARSO 74:9

Malaattano dila'neemmo; kunni ka'a himanaanchuno dihee'ranno; tini ikkitono mageeshsha keeshshitannoro afinohu dino.

LAWISHSHA 29:18

Ajuuja afi'rinokki manni ragimaleho; Maganu seera agadhannohu kayinni ba'raa'rinoho.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

HIZIQEELI 7:26

Bao baote aana dagganno; busha duduwo calla macciishshitanno. Mannu himanaano albillittete ikkannore kultannonsa gede huucci'ranno. Qeesootaho manna rosiissannori dihee'rannonsa; geerruno yee seejjannore hooganno.

HOOSEI 2:3

Higa hoogguro kayinni, imaanase mulqe ilantu barri gede mullicho asse agureemmose. Moola baatto gede asseemmose; wayi goo'rono shitannose.

MIKIYAASI 3:6

«Barru hashsha ikkanno'ne; arrishsho e'eenna daanno tunsichi amadanno'ne. Manna'ya so'risiissinoonni daafira, xaate kunni ka'a ajuuja dileeltanno'ne; himanano dicoyidhinanni» yiinsa.

MAATEWOOSI 9:36

Allaalaanchu nookki ge'reewi gede ikke qarramenna gara hawe noo manna afe marari.

UMI SAAMUEELI 28:15

Saamueelino Saaooli, «Galagale dayemmo gede assite mayira qarrisittoe?» yiisi. Saaoolino, «Lowo geeshsha shetoommo; kune Filisxeemootu qassaeraati; Maganuno agurinoe; himanaanotenni woy haaqeete dawara giwinoe. Kunnira asseemmore kulattoera woshshoommohe» yiisi.

UMI SAAMUEELI 28:6

Isino ma assa hasiissannoro Kaaliiqa xa'mi'ri. Kaaliiqi kayinni haaqeete woy Uriiminninna Tumiiminni woy himanaanotenni didawarinosi.

UMI SAAMUEELI 3:1

Saamueeli Eeli anga hee're Kaaliiqira soqqamannoha ikki. Hatte yannara Kaaliiqi qaalenna ajuuja wo'ma woyite dianfanni.