AMOOTSI 7:5 - Qullaawa Maxaafa

⁵ Hatte yannara ani, «Mooticha Kaaliiqa'ya! Eeggatena ballo tenne giira uurrisi. Mannikki Israeele shiima ikkitino daafira hiitto ikkite gata dandiitanno?» yee huucci'roommo.

AMOOTSI 7:5 ပူးပေါင်းရင်းမြစ်များ

FAARSO 85:4

Magano gatisaanchonke ballo, haaroonsinke; hanqokkino aaninkenni badhara qoli.

ISAYAASI 1:9

Olantote Mootichi Kaaliiqi taraare gatisa hoogoommero, Yerusaalame Soddoomunna Gomooru katamma gede ikkite hooggino.

ISAYAASI 10:25

Shiima yanna gedensaanni ki'nera hanqoommohu hanqi'ya higanno; hakkunni gedensaanni insa gudeemmo.

ERMIYAASI 30:19

Hakko hee'ranno manni galatu faarso faarsanno; hagiirrunni ilillisanno; kiironsa batidhannota ikkinnina dixe'anno; ayirradda asseemmonsa; ajishe la"annonsahuno dihee'ranno.

HIZIQEELI 9:8

Shinanni yannara ani calli'ya hakkiicho noommo. Alba hige diriire uwe qoonqo'ya naggi asse, «Mooticha Kaaliiqa, Israeelete giddonni gattinore gudate Yerusaalamete kageeshshi geeshsha hanqootto?» yoommo.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

ZAKKAARIYAASI 4:10

Xa loonsoonniri shiima ikkino daafira mannu dihagiidhino; ikkirono, Zerubaabeeli mina uurrisannokkita affuro hagiidhitanno» yiie. Sokkaasinchuno, «Lamala caabbiyye gobba baala la'annoti Kaaliiqi illeeti» yii.

KIIRO 14:19

Gibitsetenni fultu warinni kayisse, xaa geeshsha saonsa agurittonsante gede xaano jawa maarokkinni kunni manni cubbo agurattora huucci'reemmohe» yii.